യുവേഫ ചാമ്പ്യന്സ് ലീഗ് ഫുട്ബോളില് നിന്ന് യുവെന്റസ് പുറത്ത്. ലിയോണിനെതിരെ യുവെന്റസിന് 2-1 ന് ജയം നേടാനായെങ്കിലും എവേ ഗോളിന്റെ ആനുകൂല്യത്തില് ലിയോണ് ക്വാര്ട്ടറില് പ്രവേശിക്കുകയായിരുന്നു. ആദ്യപാദ മത്സരത്തില് ലിയോണ് ഒരു ഗോളിന് വിജയിച്ചിരുന്നു.
12-ാം മിനിറ്റിലെ പെനാല്റ്റി ഗോളാണ് ലിയോണിനെ കാത്തത്. യുവെയ്ക്കെതിരായ റഫറിയുടെ പെനാല്റ്റിയില് മെംഫിസ് ഡീപെയെടുത്ത കിക്ക് ലക്ഷ്യം കാണുകയായിരുന്നു. യുവന്റെസിനായ റൊണാള്ഡോയുടെ ഒറ്റയാന് പോരാട്ടമാണ് മൈതാനത്ത് കാണാനായത്. 43-ാം മിനിറ്റിലും 60-ാം മിനിറ്റിലും റൊണാള്ഡോയുടെ കാലുകള്ക്ക് ലക്ഷ്യം പിഴച്ചില്ല. എങ്കിലും ക്വാര്ട്ടര് പ്രവേശനത്തിന് ഒരു ഗോള് കൂടി അനിവാര്യമായിരുന്നു.
റയല് മാഡ്രിഡിനെ ഒന്നിനെതിരേ രണ്ടു ഗോളുകള്ക്ക് തകര്ത്ത് മാഞ്ചെസ്റ്റര് സിറ്റി ക്വാര്ട്ടറിലെത്തി. ആദ്യ പാദത്തിലും 2-1ന് ജയിച്ച് കയറിയ സിറ്റി ഇരുപാദങ്ങളിലുമായി 4-2ന്റെ ജയത്തോടെയാണ് ക്വാര്ട്ടറില് പ്രവേശിച്ചിരിക്കുന്നത്.
റയലും യുവന്റസും പുറത്തായതോടെ ക്വാര്ട്ടറില് സൂപ്പര് ക്ലബുകള് തമ്മില് ഏറ്റുമുട്ടുന്നത് കാണാന് കാത്തിരുന്ന ആരാധകര്ക്ക് നിരാശയായി. അടുത്തയാഴ്ച നടക്കുന്ന ക്വാര്ട്ടറില് ലിയോണ് സിറ്റിയെ നേരിടും.