2024 യൂറോ കപ്പിൽ തുർക്കിക്ക് വേണ്ടി തന്റെ മികച്ച പ്രകടനത്തിന് ശേഷം റയൽ മാഡ്രിഡ് മിഡ്ഫീൽഡർ ആർദ ഗൂളർ ക്ലബ്ബിൽ തുടരാൻ തീരുമാനിച്ചു. പത്തൊമ്പതുകാരനായ മിഡ്ഫീൽഡർ കഴിഞ്ഞ സമ്മർ ട്രാൻസ്ഫർ വിന്ഡോയിലാണ് തുർക്കിഷ് ലീഗ് ക്ലബ് ആയ ഫെനർബാഷിൽ നിന്നും റയൽ മാഡ്രിഡിൽ ജോയിൻ ചെയ്തത്. കൃത്യമായ കളി സമയം കിട്ടാത്ത ഗൂളർ തന്റെ സ്ഥാനത്തിന് വേണ്ടി പോരാടാൻ തയ്യാറാണ്.
കഴിഞ്ഞ സീസണിൽ റയലിന് വേണ്ടി പന്ത്രണ്ട് മത്സരണങ്ങളിൽ കളിച്ച ഗൂളർ ആറ് ഗോളുകൾ നേടി. നടന്നു കൊണ്ടിരിക്കുന്ന യൂറോപ്യൻ ചാമ്പ്യൻഷിപ്പിൽ ടൂർണമെന്റിൽ ഒരു ഗോളും ഒരു അസിസ്റ്റും നേടി ക്രിസ്റ്റ്യാനോയുടെയും റൂണിയുടെയും റെക്കോർഡിനൊപ്പമെത്തിയിരുന്നു. ക്രിസ്റ്റ്യാനോ റൊണാൾഡോ, വെയ്ൻ റൂണി തുടങ്ങിയ പ്രമുഖരായ ഫുട്ബോൾ താരങ്ങളുടെ പാത പിന്തുടർന്ന് ആ നേട്ടം കൈവരിക്കുന്ന മൂന്നാമത്തെ കൗമാരക്കാരനാണ് ഗൂളർ. മേൽപ്പറഞ്ഞ റിപ്പോർട്ട് അനുസരിച്ച്, യൂറോ 2024 ലെ തൻ്റെ രാജ്യത്തിനായുള്ള പ്രകടനത്തെത്തുടർന്ന് അടുത്ത സീസണിൽ കൂടുതൽ റയൽ മാഡ്രിഡിൽ കളിക്കാനാകുമെന്ന് ആർദ ഗൂളർ പ്രതീക്ഷിക്കുന്നു.
നിലവിൽ ജർമൻ വെറ്ററൻ ടോണി ക്രൂസ് വിരമിച്ച സാഹചര്യത്തിൽ അവിടെ തനിക്കൊരു സ്പേസ് കണ്ടെത്താൻ സാധിക്കുമെന്നാണ് ഗൂളർ പ്രതീക്ഷിക്കുന്നത്. ഒരു ഫോൾസ് 9 പൊസിഷനിൽ കളിപ്പിക്കാനാണ് കാർലോ അൻസെലോട്ടി ആഗ്രഹിക്കുന്നത്. ടോണി ക്രൂസിന് പുറമെ ലോക മോഡ്രിച്ചും ഉടനെ തന്നെ പടിയിറങ്ങുന്ന സാഹചര്യത്തിൽ കമവിങ്ക, ചുവമേനി എന്നിവരുടെ കൂടെ ഒരു പുതിയ മിഡ്ഫീൽഡ് രൂപീകരിക്കാൻ കാർലോ ശ്രമിച്ചേക്കുമെന്നും കരുതാം.
പെരെസിന്റെ കീഴിൽ വരാനിരിക്കുന്ന ലാലിഗ സീസണിൽ പുതിയ താരങ്ങളെ ക്ലബ്ബിലെത്തിക്കുക വഴി പുതിയ ടീം ബിൽഡിംഗ് നടത്താൻ കാർലോ അൻസെലോട്ടിക്ക് സാധിക്കും. എ സി മിലൻ സെന്റർ ബാക്ക് റിക്കാർഡോ കലഫോറി പോർച്ചുഗീസ് ഡിഫൻഡർ അലക്സന്ദ്രേ പെനെട്രേ എന്നിവരടങ്ങുന്ന യുവ നിരയിലേക്ക് റയൽ മാഡ്രിഡിന്റെ ശ്രദ്ധ പതിഞ്ഞിട്ടുണ്ട്. യൂറോ കപ്പിൽ സ്പെയിനിന് വേണ്ടി കളിക്കുന്ന നിക്കോ വില്യംസിനെ ടീമിലെത്തിക്കാനും പ്രമുഖ ക്ലബ്ബുകൾ ശ്രമിക്കുന്നുണ്ട്. നിലവിൽ മികച്ച പ്രകടനമാണ് നിക്കോ യൂറോയിൽ കാഴ്ച്ചവെക്കുന്നത്.