സച്ചിന് ടെണ്ടുല്ക്കറിന് പിന്നാലെ യൂസഫ് പഠാനും കോവിഡ് സ്ഥിരീകരിച്ചു. ചെറിയ ലക്ഷണങ്ങള് മാത്രമാണുള്ളതെന്നും, വീട്ടില് ക്വാറന്റൈനില് കഴിയുകയാണെന്നും യൂസഫ് പഠാന് അറിയിച്ചു. താനുമായി സമ്പര്ക്കത്തില് വന്നവര് കോവിഡ് പരിശോധന നടത്തണമെന്നും യൂസഫ് ആവശ്യപ്പെട്ടു.
ശനിയാഴ്ചയാണ് തനിക്ക് കോവിഡ് പിടിപെട്ട കാര്യം സച്ചിന് അറിയിച്ചത്. ചെറിയ ലക്ഷണങ്ങള് മാത്രമാണ് തനിക്കുള്ളതെന്നും, വീട്ടില് ക്വാറന്റൈനില് കഴിയുകയാണെന്നുമാണ് സച്ചിന് പറഞ്ഞത്. ഇതിന് പിന്നാലെയാണ് യൂസഫിനും കോവിഡ് സ്ഥിരീകരിച്ചത്.
റോഡ് സേഫ്റ്റി ലോക സീരീസില് ഇന്ത്യന് ലെജന്ഡ്സിന് വേണ്ടി ഇരുവരും ഒരുമിച്ച് കളിച്ചിരുന്നു എന്നത് ഇവിടെ വലി ആശങ്കയ്ക്ക് കാരണമായിരിക്കകയാണ്. സച്ചിനും, പഠാന് സഹോദരങ്ങള്ക്കും പുറമെ, സെവാഗ്, യുവരാജ് സിംഗ്, മുഹമ്മദ് കൈഫ് എന്നിങ്ങനെ പല പ്രമുഖ മുന് ഇന്ത്യന് താരങ്ങളും ടീമിന്റെ ഭാഗമായിരുന്നു.
റായ്പൂരിലായിരുന്നു റോഡ് സേഫ്റ്റി ലോക സീരീസ് നടന്നത്. മാര്ച്ച് 21 ന് നടന്ന ഫൈനലില് ശ്രീലങ്കന് ലെജന്ഡ്സിനെ തോല്പ്പിച്ച് ഇന്ത്യന് ലെജന്ഡ്സ് കിരീടം ചൂടിയിരുന്നു.