ലോക ടെസ്റ്റ് ചാമ്പ്യന്ഷിപ്പ് പോയിന്റ് പട്ടികയില് ഓസ്ട്രേലിയയ്ക്കും ഇംഗ്ലണ്ടിനും കനത്ത തിരിച്ചടി. ആഷസ് പരമ്പര കഴിഞ്ഞതിന് പിന്നാലെ പുറത്തിറക്കി പോയന്റ് പട്ടികയില് ഇംഗ്ലണ്ടിന് 19ഉം ഓസ്ട്രേലിയക്ക് 10ഉം പോയിന്റും നഷ്ടമായി. കുറഞ്ഞ ഓവര് നിരക്കിന്റെ പേരിലാണ് ഈ നടപടി.
കുറഞ്ഞ ഓവര് നിരക്കിന്റെ പേരില് പോയിന്റുകള് വെട്ടിക്കുറക്കുന്നതിന് മുമ്പ് ഇംഗ്ലണ്ടിനും ഓസ്ട്രേലിയക്കും 26 പോയിന്റും 43.33 വിജയശതമാനുമാണ് ഉണ്ടായിരുന്നത്. എന്നാല് പോയിന്റുകള് വെട്ടിക്കുറച്ചതോടെ ഓസീസിന് 18 പോയിന്റുള്ളപ്പോള് വിജയശതമാനം 30 ആയി താണു. ഇംഗ്ലണ്ടിന് ഒമ്പത് പോയിന്റും 15 വിജയശതമാനവുമാണുള്ളത്.
24 പോയിന്റും 100 വിജയശതമാനുമായി പാകിസ്ഥാനാണ് പോയിന്റ് പട്ടികയില് ഒന്നാമതാണ്. വെസ്റ്റ് ഇന്ഡീസിനെതിരായ രണ്ട് മത്സര പരമ്പര 1-0ന് സ്വന്തമാക്കിയ ഇന്ത്യ 16 പോയന്റും 66.67 വിജയശതമാനവുമായി രണ്ടാം സ്ഥാനത്തുണ്ട്.
ഓസ്ട്രേലിയ മൂന്നാമതും വെസ്റ്റ് ഇന്ഡീസ് നാലാമതും ഇംഗ്ലണ്ട് അഞ്ചാമതും പാകിസ്ഥാനെതിരായ രണ്ട് ടെസ്റ്റും തോറ്റ ശ്രീലങ്ക ആറാമതുമാണ്.