ഏകദിന ക്രിക്കറ്റ് ലോകകപ്പിലെ റണ്വേട്ടക്കാരന് ആരായിരിക്കും എന്നതില് പ്രവചനവുമായി ദക്ഷിണാഫ്രിക്കന് ഇതിഹാസ ഓള്റൗണ്ടര് ജാക്ക് കാലിസ്. ഇംഗ്ലണ്ട് സൂപ്പര് താരം ജോസ് ബട്ട്ലറാവും ഇന്ത്യന് ലോകകപ്പില് കൂടുതല് റണ്സ് അടിച്ചുകൂട്ടും എന്നാണ് കാലിസിന്റെ പ്രവചനം.
ഇന്ത്യന് നായകനും കഴിഞ്ഞ ലോകകപ്പിലെ ടോപ് സ്കോററുമായ രോഹിത് ശര്മ്മയെയും ഇന്ത്യന് സൂപ്പര് ബാറ്റര് വിരാട് കോഹ്ലിയെയും പിന്തള്ളിയാണ് കാലിസ് ബട്ട്ലറെ തിരഞ്ഞെടുത്തിരിക്കുന്നത് എന്നതാണ് ശ്രദ്ധേയം.
2019 ഏകദിന ലോകകപ്പില് 9 കളിയില്നിന്ന് അഞ്ച് സെഞ്ച്വറികളോടെ 648 റണ്സായിരുന്നു രോഹിത് അടിച്ചെടുത്തത്. 10 മത്സരത്തില് മൂന്ന് ശതകങ്ങളോടെ 647 റണ്സ് കണ്ടെത്തിയ ഓസീസ് ഓപ്പണര് ഡേവിഡ് വാര്ണറായിരുന്നു തൊട്ടുപിന്നില്.
ലോകകപ്പില് 9 കളിയില്നിന്ന് 443 റണ്സായിരുന്നു കോഹ്ലിയുടെ സമ്പാദ്യം. 11 മത്സരങ്ങളില് 312 റണ്സാണ് ബട്ലര് അന്ന് നേടിയത്.