450 ടെസ്റ്റ് വിക്കറ്റുകളുള്ള രവിചന്ദ്രൻ അശ്വിന്റെ ഒരു ബൗളറെ ടെസ്റ്റ് ടീമിന്റെ പ്ലെയിംഗ് ഇലവനിൽ നിന്ന് പുറത്താക്കാനാകുമെങ്കിൽ വിരാട് കോഹ്ലിയെ ടി20 ടീമിൽ നിന്നും പുറത്താക്കാമെന്ന് പറയുകയാണ് കപിൽ ദേവ്. മൂന്ന് വർഷത്തോളമായി കോഹ്ലി മോശം ഫോമിലാണ്., ഫോമിലുള്ള കളിക്കാർക്ക് അവരുടെ കഴിവുകൾ പ്രകടിപ്പിക്കാൻ വേണ്ടത്ര അവസരങ്ങൾ നൽകിയില്ലെങ്കിൽ ഇന്ത്യൻ ടീം മാനേജ്മെന്റ് ചെയ്യുന്നത് ക്രൂരത ആയിരിക്കുമെന്നും കപിൽ പറയുന്നു.
ഇന്നലെ നടന്ന മത്സരത്തിലാകട്ടെ ഫോമിലുള്ള ദീപക്ക് ഹൂഡയുടെ സ്ഥാനത്താണ് കോഹ്ലി വന്നത്. എന്നാൽ വെറും 1 റൺസെടുത്ത് താരം പുറത്തായി. ഇതോടെ കോഹ്ലിയെ ടീമിൽ നിന്ന് പുറത്താക്കണമെന്ന് പറഞ്ഞ് ആവശ്യം ശക്തമാവുകയാണ്.
കപിൽ പറഞ്ഞതിനെ അഭിനന്ദിച്ച് ആളുകൾ എത്തിയപ്പോൾ താരം പറഞ്ഞതിനെ എതിർത്ത് രംഗത്ത് വന്നിരിക്കുകയാണ് ഇപ്പോൾ രാജ്കുമാർ ശർമ്മ.
“വിരാട് കോലിയെക്കുറിച്ച് കപിൽ ദേവ് നടത്തിയ പ്രസ്താവനകളെ ഞാൻ പിന്തുണയ്ക്കുന്നില്ല. ഇത്തരമൊരു പ്രസ്താവന ഇറക്കിയതിൽ വലിയ കാര്യമൊന്നും വിരാടിന് സംഭവിച്ചിട്ടില്ല. വിരാടിനോട് എന്തിനാണ് ഇത്ര ബഹളം , അദ്ദേഹം രാജ്യത്തിന് വേണ്ടി ഇത്രയും നല്ല കാര്യങ്ങൾ ചെയ്തിട്ടുണ്ട്. 70 അന്താരാഷ്ട്ര സെഞ്ചുറികൾ തികയ്ക്കുക എന്നത് ചെറിയ കാര്യമല്ല. അദ്ദേഹത്തെ ബെഞ്ചിൽ ഇരുത്താൻ ബോർഡ് തീരുമാനമെടുക്കുമെന്ന് ഞാൻ കരുതുന്നില്ല, ”രാജ്കുമാർ എഎൻഐയോട് പറഞ്ഞു.
എന്തായാലും കോഹ്ലി എത്രയും വേഗം ഫോമിലേക്ക് വരേണ്ടത് ഇപ്പോൾ അത്യാവശ്യം ആയി മാറി ഇരിക്കുകയാണ്.