മാന്യന്മാരുടെ കളിയെന്നാണ് ക്രിക്കറ്റിനെ പൊതുവെ വിശേഷിപ്പിക്കുന്നത്. എന്നാൽ മാന്യത വിട്ട് താരങ്ങൾ പെരുമാറിയ സംഭവങ്ങൾ നാം കണ്ടിട്ടുണ്ട്. എന്നാൽ ക്രിക്കറ്റ് ലോകത്തെ ആക്രമണങ്ങളിൽ ഏറ്റവും കൂടുതൽ ആൾക്കാരെ ഭീതിലാഴ്ത്തിയ സംഭവം ആയിരുന്നു പുറത്താക്കിയ ബൗളറോട് കലിപ്പ് തീർത്ത ബാറ്റ്സ്മാൻ ഗുണ്ടയാണോ എന്ന് സംശയം ഉണർത്തി .
അര്‍ദ്ധ സെഞ്ച്വറിക്ക് അരികെ പുറത്തായ കലിപ്പില്‍ ക്യാച്ചെടുത്ത ഫീല്‍ഡറുടെ തലയ്ക്ക് ബാറ്റ് കൊണ്ട് അടിച്ച് ബാറ്റ്സ്മാന്‍ വില്ലനായി . ഗ്വാളിയറിലെ മേള ഗ്രൗണ്ടിലാണ് സംഭവം നടന്നത് . അടിയില്‍ തലയ്ക്ക് ഗുരുതരമായ പരിക്കേറ്റ ഫീല്‍ഡറെ ആശുപത്രിയില്‍ പ്രവേശിപ്പിച്ചത് വാർത്ത ആയിരുന്നു
സിറ്റിയിലെ രണ്ടു ടീമുകള്‍ തമ്മിലുള്ള ക്രിക്കറ്റ് മത്സരത്തിനിടെയാണ് സംഭവം. സഞ്ജയ് പാലിയ എന്നയാള്‍ 49 റണ്‍സില്‍ എത്തിനില്‍ക്കെ സച്ചിന്‍ പരശാര്‍ ക്യാച്ച് എടുത്ത് പുറത്താക്കുകയായിരുന്നു. പുറത്തായ ഉടനെ തന്നെ നേരെ ഫീല്‍ഡറുടെ നേരെ ചെന്ന സഞ്ജയ് സച്ചിന്റെ തലയ്ക്ക് ബാറ്റ് കൊണ്ട് അടിക്കുകയായിരുന്നു.
തലയ്ക്ക് അടിയേറ്റ് വീണ സച്ചിന്‍ അബോധാവസ്ഥയിലായി. ഉടന്‍ തന്നെ മറ്റു കളിക്കാര്‍ സഞ്ജയിനെ പിടിച്ചുമാറ്റി. ചെറിയ ഒരു മത്സരം ആയിരുന്നു എങ്കിൽ പോലും ഈ വാർത്ത ക്രിക്കറ്റ് ലോകത്ത് ഞെട്ടൽ ഉണ്ടാക്കി.