ഈ മാസം ഏഴാം തിയതി മുതൽ ആരംഭിക്കുന്ന ടി-20 ലോകകപ്പിനായി തയ്യാറെടുക്കുകയാണ് എല്ലാ ടീമുകളും. ഇത്തവണ ഇന്ത്യയും ശ്രീലങ്കയും ചേർന്നാണ് ടൂർണമെന്റിന് ആതിഥേയത്വം വഹിക്കുന്നത്.
ഇപ്പോഴിതാ ടി20 ലോകകപ്പിൽ കിരീടം നേടാൻ കൂടുതൽ സാധ്യതയുള്ള ടീമിനെ പ്രവചിചിരിക്കുകയാണ് മുന് ഇന്ത്യൻ താരം രവിചന്ദ്രൻ അശ്വിൻ. നിലവിലെ ചാമ്പ്യൻമാരായ ഇന്ത്യയോ കരുത്തരായ ഓസ്ട്രേലിയയെയോ അല്ല അശ്വിൻ തന്റെ ഫേവറിറ്റുകളായി തെരഞ്ഞെടുത്തിരിക്കുന്നത് എന്നതാണ് ശ്രദ്ധേയം.
ടി 20 ലോകകപ്പ് നേടാൻ പോകുന്നത് ന്യുസിലാൻഡാണെന്നാണ് രവിചന്ദ്രൻ അശ്വിൻ പറയുന്നത്. ഇന്ത്യക്കെതിരായ ടി20 പരമ്പരയില് 4-1ന് തോൽവി ഏറ്റുവാങ്ങിയ ടീം കൂടിയാണ് ന്യൂസിലാൻഡ് എന്നത് ശ്രദ്ധേയമാണ്. എന്നാൽ ഇന്ത്യക്കെതിരായ പരമ്പരയില് നിന്ന് ലഭിച്ച പാഠങ്ങള് ന്യൂസിലൻഡിനെ ലോകകപ്പില് സഹായിക്കുമെന്നാണ് അശ്വിൻ പറയുന്നത്.