ഇപ്പോൾ നടന്ന ബോർഡർ ഗവാക്സർ ട്രോഫിയിൽ ഇന്ത്യക്കെതിരെ തകർപ്പൻ പ്രകടനമാണ് ഓസ്ട്രേലിയ പരമ്പരയിൽ ഉടനീളം കാഴ്ച വെച്ചത്.
പരമ്പര 3-1നാണ് ഓസ്ട്രേലിയ സ്വന്തമാക്കിയത്. പെർത്തിൽ നടന്ന ആദ്യ ടെസ്റ്റിൽ പരാജയപ്പെട്ടെങ്കിലും ഗംഭീരമായ തിരിച്ച് വരവ് നടത്താൻ കങ്കാരു പടയ്ക്ക് സാധിച്ചു.
ബോർഡർ ഗവാസ്കർ ട്രോഫിയിൽ മികച്ച പ്രകടനമാണ് ഓപ്പണർ ഉസ്മാൻ ഖവാജ നടത്തിയത്. സ്ഥിരതയാർന്ന പ്രകടനം കാഴ്ച വെച്ച താരം ഓസ്ട്രേലിയക്ക് വേണ്ടി നിർണായകമായ പങ്ക് വഹിച്ചു. ഇന്ത്യൻ ടീമിൽ ഏറ്റവും കൂടുതൽ ബുദ്ധിമുട്ടുണ്ടാക്കിയ താരം ആരാണെന്നു തുറന്ന് പറഞ്ഞിരിക്കുകയാണ് ഓസ്ട്രേലിയൻ ഓപ്പണർ.
ഉസ്മാൻ ഖവാജ പറയുന്നത് ഇങ്ങനെ:
” എനിക്ക് ഏറ്റവും കൂടുതൽ പ്രയാസകരമായ സമയം തന്ന താരം അത് ജസ്പ്രീത് ബുംറയായിരുന്നു. അവസാന ടെസ്റ്റിൽ അദ്ദേഹത്തിന് പരിക്ക് പറ്റി എന്നത് വിഷമകരമായ കാര്യമാണ്. പക്ഷെ ഞങ്ങൾക്ക് അത് ഗുണകരമായി. അതിനു ദൈവത്തിനു നന്ദി. അവൻ നാലാമത്തെ ഇന്നിങ്സിൽ ഉണ്ടായിരുന്നെങ്കിൽ പണി ആയേനെ. ബുംറ വരില്ല എന്ന് ഉറപ്പായപ്പോൾ ഞങ്ങൾക്ക് വിജയിക്കാനുള്ള അവസരം ഉണ്ടെന്ന് മനസിലായി. എന്റെ കരിയറിൽ ഏറ്റവും കൂടുതൽ ബുദ്ധിമുട്ട് സമ്മാനിച്ച താരമാണ് ബുംറ” ഉസ്മാൻ ഖവാജ പറഞ്ഞു.
പരമ്പരയിൽ ഉടനീളം ബുംറ 6 തവണയാണ് ഓസ്ട്രേലിയൻ ഓപ്പണറിനെ പുറത്താക്കിയത്. ലോക ടെസ്റ്റ് ചാമ്പ്യൻഷിപ്പ് ഫൈനലിലേക്ക് രാജകീയമായി പ്രവേശിച്ച ഓസ്ട്രേലിയ ഫൈനലിൽ സൗത്ത് ആഫ്രിക്കയെ ആണ് നേരിടുന്നത്.