ടി20 ലോകകപ്പില് ഇന്ത്യയ്ക്കെതിരെ അയര്ലന്ഡിന് വന് ബാറ്റിംഗ് തകര്ച്ച. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ അയര്ലന്ഡ് 100 പോലും കടക്കാനാകാതെ 16 ഓവറില് 96 റണ്സിന് ഓള്ഔട്ടായി. ഗാരത് ഡെലാനി ണ് ഐറിഷ് പടയുടെ ടോപ് സ്കോറര്. താരം 14 ബോളില് 26 റണ്സെടുത്തു പുറത്താകാതെ നിന്നു.
ലോര്ക്കന് ടുക്കര് 10, കുര്ട്ടിസ് കാംഫര് 12, ജോഷ്വാ ലിറ്റില് 14 എന്നിവരാണ് ഐറിഷ് നിരയില് രണ്ടക്കം കടന്ന മറ്റ് താരങ്ങള്. ഇന്ത്യയ്ക്കായി ഹാര്ദ്ദിക് പാണ്ഡ്യ മൂന്ന് വിക്കറ്റ് വീഴ്ത്തി. അര്ഷ്ദീപ് സിംഗ്, ജസ്പ്രീത് ബുംറ എന്നിവര് രണ്ടും സിറാജ്, അക്സര് പട്ടേല് എന്നിവര് ഓരോ വിക്കറ്റ് വീതവും വീഴ്ത്തി.
സഞ്ജു സാംസണും യശസ്വി ജയ്സ്വാളും ടീമിലില്ല. ഇതോടെ ഇന്ത്യയ്ക്കായി രോഹിത്തിനൊപ്പം വിരാട് കോഹ്ലിയാകും ഇന്നിംഗ്സ് ഓപ്പണ് ചെയ്യുക.
ഇന്ത്യന് ടീം: രോഹിത് ശര്മ, വിരാട് കോഹ്ലി, ഋഷഭ് പന്ത്, സൂര്യകുമാര് യാദവ്, ശിവം ദുബെ, ഹാര്ദിക് പാണ്ഡ്യ, രവീന്ദ്ര ജഡേജ, അക്ഷര് പട്ടേല്, ജസ്പ്രീത് ബുംറ, അര്ഷ്ദീപ് സിങ്, മുഹമ്മദ് സിറാജ്.
അയര്ലന്ഡ് ടീം: പോള് സ്റ്റിര്ലിംഗ്, ആന്ഡി ബാല്ബിര്ണി, ലോര്ക്കന് ടുക്കര്, ഹാരി ടാക്ടര്, കുര്ട്ടിസ് കാംഫര്, ജോര്ജര് ഡോക്റല്, ഗാരത് ഡെലാനി, മാര്ക്ക് അഡെയ്ര്, ബാറി മക്കാര്ത്തി, ജോഷ് ലിറ്റില്, ബെന് വൈറ്റ്.