ടീം ഇന്ത്യയുടെ യുവ ഓപ്പണര് ശുഭ്മാന് ഗില്ലിന്റെ പ്രണയകഥയില് പുതിയൊരു ‘സാറ’. ഈ പഞ്ചാബി യുവാവ് ഇന്ത്യന് ബാറ്റിംഗ് ഇതിഹാസം സച്ചിന് ടെണ്ടുല്ക്കറുടെ കാമുകി സാറാ ടെണ്ടുല്ക്കറുമായി ഡേറ്റിംഗിലാണെന്ന് കുറച്ചുകാലമായി അഭ്യൂഹങ്ങള് ഉണ്ടായിരുന്നു. എന്നാല് അതിനിടെ ബോളിവുഡ് സുന്ദരി സെയ്ഫ് അലി ഖാന്റെ മകള് സാറ അലി ഖാനുമായി ഗില് പ്രണയത്തിലാണെന്ന് കിംവദന്തികള് പ്രചരിച്ചിരുന്നു. ഇപ്പോള് അക്കാര്യത്തില് പ്രതികരണം നടത്തിയിരിക്കുകയാണ് സാറ അലി ഖാന്.
ഗില്ലുമായി താന് ഡേറ്റ് ചെയ്തിട്ടില്ലെന്ന് സാറ അലി ഖാന് പറഞ്ഞു. അടുത്തിടെ കോഫി വിത്ത് കരണ് ഷോയില് പങ്കെടുത്തപ്പോഴാണ് സാറ അലി ഖാന് ഇക്കാര്യം പറഞ്ഞത്. ‘ഞാന് ഗില്ലുമായി ഡേറ്റിംഗ് നടത്തിയിട്ടില്ല. ആ സാറ വേറെയാണ്..’ സാറ അലി ഖാന് പറഞ്ഞു.
കഴിഞ്ഞ രണ്ട് വര്ഷമായി ഗില് സച്ചിന്റെ മകളുമായി ഡേറ്റിംഗിലാണെന്ന വാര്ത്തകള് പ്രചരിക്കുന്നുണ്ട്. ഇരുവരും സോഷ്യല് മീഡിയയിലെ പോസ്റ്റ് ലൈക്ക് ചെയ്യുകയും സ്വകാര്യ പാര്ട്ടികളില് കണ്ടുമുട്ടിയപ്പോള് അടുത്ത് പോകുകയും ചെയ്തതോടെ ഇരുവരും തമ്മിലുള്ള പ്രണയം യാഥാര്ത്ഥ്യമാണെന്ന് ചര്ച്ചകള് നടന്നു. ഇടയ്ക്കുവെച്ച് വേര്പിരിഞ്ഞ ഇവര് അടുത്തിടെ വീണ്ടും കണ്ടുമുട്ടിയതായി റിപ്പോര്ട്ടുകളുണ്ടായിരുന്നു.
അടുത്തിടെ ഏകദിന ലോകകപ്പിന്റെ ഭാഗമായി വാങ്കഡെ വേദിയില് ശ്രീലങ്കയ്ക്കെതിരായ മത്സരത്തില് സാറ ഗാലറിയില് ഉണ്ടായിരുന്നു. ഗില്ലിന് സെഞ്ച്വറി നഷ്ടമായപ്പോള് സാറ നിരാശയായതിന്റെ വീഡിയോകള് വൈറലായതോടെ ഇവര്ക്കിടയില് വീണ്ടും പ്രണയം പൂത്തുലഞ്ഞതായി അഭ്യൂഹങ്ങള് പരക്കുന്നുണ്ട്. എന്നാല് തങ്ങളുടെ പ്രണയത്തെയും വേര്പിരിയലിനെയും കുറിച്ച് ഗില്ലോ സാറയോ ഒരു പ്രസ്താവനയും നടത്തിയിട്ടില്ല. സെയ്ഫിന്റെ മകളുടെ ഈ കമന്റുകളോടെ ഗില് സ്നേഹിച്ച സാറയെ തിരയുകയാണ് നെറ്റിസണ്സ്.