പരിക്കിനെ തുടര്ന്ന് ശ്രേയസ് അയ്യര് ഡബ്ല്യുടിസി ഫൈനലില് നിന്ന് പുറത്തായ സാഹചര്യത്തില് സെലക്ടര്മാര് ഹനുമ വിഹാരിയെ ടീമിലേക്ക് തിരിച്ചുവിളിക്കാന് ആലോചിക്കുന്നു. ഈ വര്ഷത്തെ സെന്ട്രല് കരാറില് നിന്ന് ഹനുമ വിഹാരിയെ ഒഴിവാക്കിയതോടെ അത് അദ്ദേഹത്തിന്റെ കരിയറിന്റെ അവസാനമായി പലരും വിലയിരുത്തിയിരുന്നു. പക്ഷേ, ഇന്ത്യന് ബാറ്റിംഗ് നിര പരിക്കും മറ്റുമായി ശോഷിച്ചതിനാല് സെലക്ടര്മാര്ക്ക് അദ്ദേഹത്തെ തിരിച്ചുവിളിക്കാന് നിര്ബന്ധിതരായിരിക്കുകയാണ്.
ഞങ്ങള്ക്ക് ഒരു പ്രധാന കളിക്കാരനായിരുന്നു ശ്രേയസ്. അദ്ദേഹത്തിന്റെ പരിക്ക് വലിയ തിരിച്ചടിയാണ് എന്നതില് സംശയമില്ല. ഹനുമയുടെ കാര്യം ചര്ച്ച ചെയ്യുന്നുണ്ട്. വളരെ പരിചയസമ്പന്നനായ കളിക്കാരനായ അദ്ദേഹം മുമ്പ് ഓസ്ട്രേലിയയ്ക്കെതിരെ മികച്ച പ്രകടനം നടത്തിയിട്ടുണ്ട്. ഇംഗ്ലണ്ടില് കളിച്ച് നല്ല പരിചയവും ഉണ്ട്. സെലക്ഷന് മീറ്റിംഗില് സെലക്ടര്മാര് അക്കാര്യത്തില് തീരുമാനമെടുക്കും- ഒരു മുതിര്ന്ന ബിസിസിഐ ഉദ്യോഗസ്ഥന് പറഞ്ഞു.
മെയ് ആദ്യവാരം ഡബ്ല്യുടിസി ഫൈനലിനുള്ള ടീമിനെ പ്രഖ്യാപിക്കുമെന്നാണ് കരുതുന്നത്. ഹനുമ വിഹാരിക്ക് ഇന്ത്യയിലെ മത്സരങ്ങളില് ഉടനീളം ഉയര്ച്ച താഴ്ചകള് ഉണ്ടായിട്ടുണ്ട്. കഴിഞ്ഞ വര്ഷം ഇംഗ്ലണ്ടില് ബര്മിംഗ്ഹാമിലാണ് അദ്ദേഹം അവസാനമായി ഇന്ത്യക്കായി ടെസ്റ്റ് കളിച്ചത്. മോശം പ്രകടനത്തോടെ തുടര്ന്ന് അദ്ദേഹത്തെ ബിസിസിഐ കേന്ദ്ര കരാറുകളില് നിന്ന് ഒഴിവാക്കുകയായിരുന്നു.
ഫോം ആശങ്കാജനകമാണെങ്കിലും സൂര്യകുമാര് യാദവ് തന്റെ സ്ഥാനം നിലനിര്ത്തുമെന്നാണ് അറിയുന്നത്. ശുഭ്മാന് ഗില് നിലവില് ഉള്ള ഫോമില് മൂന്ന് ഫോര്മാറ്റുകളിലും തന്റെ സ്ഥാനം ഉറപ്പിച്ചു. ഡബ്ല്യുടിസി ഫൈനല് സ്ക്വാഡില് യുവതാരം ഉറപ്പാണ്. ടീം മാനേജ്മെന്റിന് കെഎല് രാഹുലിനെയും വലിയ വിശ്വാസമുണ്ട്. അതിനാല്, ഇംഗ്ലണ്ടിലെങ്കിലും അദ്ദേഹം തന്റെ സ്ഥാനം നിലനിര്ത്തും. രോഹിത് ശര്മ്മയ്ക്കൊപ്പം രാഹുല് ഓപ്പണ് ചെയ്യുമെന്നും പ്രതീക്ഷിക്കാം. അങ്ങനെ സംഭവിച്ചാല് ഗില് മധ്യനിരയില് പരീക്ഷിക്കപ്പെട്ടേക്കും.