മുംബൈ ഇന്ത്യന്സിനെതിരായ വിജയത്തോടെ ടോപ് 2 ടീമുകളിലൊന്നായി പ്ലേഓഫില് ക്വാളിഫയര് 1ന് യോഗ്യത നേടിയിരിക്കുകയാണ് പഞ്ചാബ് കിങ്സ്. ആദ്യ ബാറ്റിങ്ങില് മുംബൈ ഉയര്ത്തിയ 185 റണ്സ് വിജയലക്ഷ്യം 18.3 ഓവറില് മറികടക്കുകയായിരുന്നു പഞ്ചാബ്. ഇതോടെ ഐപിഎല് ചരിത്രത്തില് ഇത് രണ്ടാമത്തെ തവണ മാത്രമാണ് ക്വാളിഫയറിന് പഞ്ചാബ് യോഗ്യത നേടുന്നത്.
ഈ വര്ഷം ടോപ് 2 ടീമായി പഞ്ചാബ് മാറിയതോടെ ടീമിലെ പ്രധാന ബാറ്റര്മാരിലൊരാളായ ശശാങ്ക് സിങിന്റെ വാക്കുകള് സോഷ്യല് മീഡിയയില് വീണ്ടും നിറയുകയാണ്. ഇക്കഴിഞ്ഞ മാര്ച്ച് 17നായിരുന്നു പഞ്ചാബ് ഈ സീസണില് ടോപ്2 ടീമായി ഫിനിഷ് ചെയ്യുമെന്ന് ശശാങ്ക് പറഞ്ഞത്. മേയ് 26ന് പഞ്ചാബ് താരം പറഞ്ഞത് യാഥാര്ത്ഥ്യമായി. ഈ സീസണില് പഞ്ചാബ് ടോപ് 2 ടീമായി മാറുകയും ക്വാളിഫയര് 1ന് യോഗ്യത നേടുകയും ചെയ്തു.
പോയിന്റ് ടേബിളില് നിലവില് ഗുജറാത്ത് ടൈറ്റന്സാണ് പഞ്ചാബ് കിങ്സിന് പിന്നിലായുളളത്. 14 കളികളില് 19 പോയിന്റാണ് പഞ്ചാബിനുളളതെങ്കില് ഇത്രയും മത്സരങ്ങളില് 18 പോയിന്റോടെ ഗുജറാത്ത് തൊട്ടുപിന്നിലായി നില്ക്കുന്നു. ആര്സിബിക്ക് ലീഗ് മത്സരങ്ങളില് ഒന്നുകൂടി ഉണ്ടെന്നിരിക്കെ ഗുജറാത്തിനെ പിന്തളളി അവര് ടോപ് 2 ടീമുകളിലൊന്നായി മാറാനുളള സാധ്യതയുണ്ട്. അങ്ങനെ വരികയാണെങ്കില് ക്വാളിഫയര് 1ല് പഞ്ചാബും ആര്സിബിയും തമ്മിലാവും ഏറ്റുമുട്ടുക. എലിമിനേറ്റര് മത്സരം മുംബൈയും ഗുജറാത്തും തമ്മിലാവാനും സാധ്യതയുണ്ട്.