മലയാളി ക്രിക്കറ്റ് താരം സഞ്ജു സാംസണെ പിന്തുണച്ച് ഷാഫി പറമ്പില്‍ എംഎല്‍എ. ഇന്ത്യന്‍ ക്രിക്കറ്റ് സഞ്ജുവിനോട് കാണിക്കുന്നതു ക്രൂരതയാണെന്ന് ഷാഫി ഫെയ്‌സ്ബുക്കില്‍ കുറിച്ചു. ന്യൂസിലന്‍ഡിന് പിന്നാലെ ബംഗ്ലാദേശിലും ഇന്ത്യ ഏകദിന പരമ്പര കൈവിട്ടതിന് പിന്നാലെയാണ് ഷാഫിയുടെ പ്രതികരണം.
കുറിപ്പ് ഇങ്ങനെ..
ഇതിനിടയ്ക്ക് ഇന്ത്യന്‍ ക്രിക്കറ്റ് ടീം ബംഗ്ലാദേശിനോട് രണ്ട് ഏകദിന മത്സരങ്ങള്‍ അടുപ്പിച്ച് തോറ്റു. കോഹ്ലിയും രോഹിതും രാഹുലും ധവാനുമെല്ലാം ഉള്ള ടീം ഇന്ത്യ.പരമ്പരയും നഷ്ടമായി.
സഞ്ജുവിന് അയിത്തം പ്രഖ്യാപിക്കുവാന്‍ ‘ടാക്റ്റിക്‌സ്’ മാഹാത്മ്യം പറഞ്ഞിരുന്നവരിപ്പോള്‍ ന്യുസിലാന്‍ഡിനോടും ബംഗ്ലാദേശിനോടും തോറ്റു. ഈ അവഗണന ക്രൂരതയാണ്. സഞ്ജുവിനോട് മാത്രമല്ല രാജ്യത്തെ ക്രിക്കറ്റിനോട്.
Indian Cricket Team Open your eyes
Sanju Samson deserves his place in the team.
ബംഗ്ലാദേശിനെതിരായ രണ്ടാം ഏകദിനത്തില്‍ അഞ്ചു റണ്‍സിനായിരുന്നു ഇന്ത്യയുടെ തോല്‍വി. ജയത്തോടെ മൂന്ന് മത്സരങ്ങളുള്ള പരമ്പര ബംഗ്ലാദേശ് 2-0ന് സ്വന്തമാക്കി. ബംഗ്ലാദേശ് ഉയര്‍ത്തിയ 272 റണ്‍സ് വിജയ ലക്ഷ്യം പിന്തുടര്‍ന്ന ഇന്ത്യയ്ക്ക് 50 ഓവറില്‍ ഒന്‍പതു വിക്കറ്റ് നഷ്ടത്തില്‍ 266 റണ്‍സെടുക്കാനേ സാധിച്ചുള്ളൂ. പരമ്പരയിലെ അവസാന മത്സരം പത്തിന് ചത്തോഗ്രമില്‍ നടക്കും.