ലക്ഷ്യത്തിലേക്ക് ഉള്ള യാത്രയിൽ പല തവണ വീണുപോയേക്കാം, ആരും എഴുനേൽപ്പിക്കാൻ കാണില്ല. സ്വയം എഴുന്നേൽക്കുക ആദ്യത്തെ വീഴ്ചയിൽ നിന്ന് പാഠം ഉൾകൊണ്ട് കൊണ്ട് കൂടുതൽ ശക്തമായി അധ്വാനിക്കുക. ഈ സീസൺ പ്രീമിയർ ലീഗിലെ ആദ്യത്തെ 3 മത്സരങ്ങൾ കളിച്ച് ടീമിൽ നിന്ന് പുറത്തായ ജെയ്സ്വാളിന്റെ അവസ്ഥ ഇങ്ങനെ ആയിരുന്നു. പ്രതീക്ഷയുടെ പാറത്തോട് നീതി പുലർത്താൻ ആകാതെ വീണുപോയി. ഇനി ഇവനെ കൊണ്ട് കാര്യമില്ല എന്ന് പറഞ്ഞ് ടീമിൽ നിന്ന് ഒഴിവാകുകയും ചെയ്തു.
അങ്ങനെയുള്ള താരത്തിന് നിനച്ചിരിക്കാത്ത സമയത്താണ് വീണ്ടും അവസരം കിട്ടുന്നത്. അത് എന്തയാലും ജെയ്സ്വാൾ മുതലാക്കുകയും ടീമിനെ വിജയത്തിൽ എത്തിക്കുകയും. ഇപ്പോഴിതാ തന്റെ പ്രതീക്ഷകൾ തെറ്റിക്കാതെ മനോഹരമായി ബാറ്റ് ചെയ്ത യുവതാരത്തിന് നായകൻ ഒരു സമ്മാനമായി ഒരു ബാറ്റ് നൽകിയിരിക്കുകയാണ്. ”നിനക്കായി ഒരു പുതിയ ബാറ്റ് ഇന്ന് നിന്റെ റൂമിലുണ്ടാകും. നിന്റെ ചേട്ടന്റെ സമ്മാനമായി കരുതിയാല് മതി.”. സഞ്ജു സാംസണ് ജയ്സ്വാളിനോട് പറഞ്ഞു.
രണ്ട് മത്സരങ്ങളില് തുടര്ച്ചയായി തോല്വി വഴങ്ങിയ ശേഷമാണ് കഴിഞ്ഞ മത്സരത്തില് രാജസ്ഥാന് പഞ്ചാബിനെ നേരിട്ടത്. കഴിഞ്ഞ വർഷങ്ങളിൽ നൽകിയ പോലെ മികച്ച പ്രകടനമാണ് ജയ്സ്വാൾ ആദ്യ പവർ പ്ലേ മുതൽ പുറത്തെടുത്തത്. എന്തായാലും താരവും ബട്ട്ലറും ചേർന്നുള്ള കോബിനേഷൻ രാജസ്ഥാൻ മുന്നോട്ടുള്ള യാത്രയിൽ വലിയ സഹായം ആകുമെന്നുറപ്പ്.
നായകൻ എന്ന നിലയിൽ താൻ ഏൽപ്പിച്ച വിശ്വാസം കാത്ത ജയ്സ്വാളിന് സഞ്ജു കൊടുത്ത സമ്മാനത്തിന് വീഡിയോ വൈറൽ ആയി. ഇത്തരം പ്രോത്സാഹനം യുവതാരത്തെ സഹായിക്കുമെന്നും ആളുകൾ പറയുന്നു.
‘ജെയ്സ്വാൾ മികച്ച ഇന്നിങ്സിനായി കാത്തിരിക്കുകയായിരുന്നെന്ന് ഞങ്ങൾക്കെല്ലാം അറിയാമായിരുന്നു. പരിശീലനത്തിനായി ഒട്ടേറെ സമയം മാറ്റിവച്ച ജെയ്സ്വാൾ, മണിക്കൂറുകളാണു നെറ്റ്സിൽ ചെലവിട്ടിരുന്നത്. ജെയ്സ്വാളിന്റെ കാര്യത്തിൽ സന്തോഷമുണ്ട്’