ഇന്ത്യൻ ടീമിൽ വെടിക്കെട്ട് ബാറ്റിംഗ് പ്രകടനം നടത്താറുള്ള ഇടംകൈ ബാറ്റ്സ്മാൻ ആണ് റിങ്കു സിങ്. എം എസ് ധോണിക്ക് ശേഷം ഫിനിഷർ റോളിലേക്ക് എത്തിയ താരം മികച്ച പ്രകടനങ്ങളാണ് നടത്തുന്നത്. ഐപിഎല്ലിൽ കൊൽക്കത്ത നൈറ്റ് റൈഡേഴ്സിന്റെ പ്രധാന താരമാണ് റിങ്കു സിങ്. കൊൽക്കത്ത വിട്ടാൽ ഏത് ടീമിലേക്ക് പോകും എന്ന് ചോദ്യത്തിന് റിങ്കു സിങ് മറുപടി പറഞ്ഞു.
റിങ്കു സിങ് പറയുന്നത് ഇങ്ങനെ:
“ഐപിഎല്ലിൽ ഞാൻ കൊൽക്കത്ത വിട്ടാൽ പോകാൻ ആഗ്രഹിക്കുന്ന ടീം അത് വിരാട് കോലിയുടെ ആർസിബിയിലേക്കാണ്. അവർക്ക് വേണ്ടി കപ്പ് നേടി കൊടുക്കണം എന്നാണ് എന്റെ ആഗ്രഹം” റിങ്കു സിങ് പറഞ്ഞു.
അടുത്ത വർഷം നടക്കാൻ പോകുന്ന മെഗാ ലേലത്തിൽ റിങ്കു സിങ്ങും പങ്കെടുക്കുന്നുണ്ട്. നിലവിൽ കൊക്കാത്ത ഏതൊക്കെ താരങ്ങളെയാണ് റീറ്റെയിൻ ചെയ്യുന്നത് എന്ന് തീരുമാനിച്ചിട്ടില്ല. മെഗാ താരലേലത്തിൽ റിങ്കു പങ്കെടുത്താൽ അദ്ദേഹത്തിനെ വൻതുകയ്ക്ക് മേടിക്കാൻ ടീമുകൾ തയ്യാറായി നിൽക്കുകയാണ്. ശ്രീലങ്കയ്ക് എതിരെ നടന്ന മത്സരത്തിൽ താരം ബോളിങ്ങിലും തന്റെ മികവ് തെളിയിച്ചത് കൊണ്ട് ഓൾറൗണ്ടർ സ്ഥാനത്തേക്ക് റിങ്കു ഒരു മുതൽ കൂട്ടാകും എന്നത് ഉറപ്പാണ്. അടുത്ത വർഷം ഫെബ്രുവരിയിലാണ് മെഗാ താരലേലം നടത്താൻ നിശ്ചയിച്ചിരിക്കുന്നത്.
