എലിസബത്ത് രാജ്ഞിയുടെ മരണത്തെ തുടർന്ന് ദക്ഷിണാഫ്രിക്കയ്ക്കെതിരെ ഓവലിൽ നടക്കുന്ന മൂന്നാം ടെസ്റ്റിന്റെ രണ്ടാം ദിനം (സെപ്റ്റംബർ 9 വെള്ളിയാഴ്ച) ഇംഗ്ലണ്ട് ക്രിക്കറ്റ് ബോർഡ് (ഇസിബി) താൽക്കാലികമായി നിർത്തിവച്ചു. റേച്ചൽ ഹെയ്ഹോ ഫ്ലിന്റ് ട്രോഫിക്കുള്ള ഷെഡ്യൂൾ ചെയ്ത ഗെയിമുകളും നടക്കില്ലെന്ന് ECB അറിയിച്ചു.
96 വയസ്സുള്ള രാജ്ഞിയുടെ മരണത്തെക്കുറിച്ചുള്ള അറിയിപ്പ് യുകെ സമയം വ്യാഴാഴ്ച (സെപ്റ്റംബർ 8) വൈകുന്നേരം 6:30 നാണ് പുറത്ത് വന്നത്. അതോടെയാണ് രണ്ടാം ദിവസത്തെ കളി ഒഴിവാക്കാൻ ബോർഡ് തീരുമാനിച്ചത്. മഴ മൂലം ആദ്യ ദിനം തന്നെ മത്സരം ഒരു പന്ത് പോലും എറിയാതെ ഒഴിവാക്കുക ആയിരുന്നു.
താഴെ ഉദ്ധരിച്ച ഇസിബി ഒരു പ്രസ്താവന പുറത്തിറക്കി:
“ഹർ മജസ്റ്റി ക്വീൻ എലിസബത്ത് രണ്ടാമന്റെ മരണത്തെത്തുടർന്ന്, ഓവലിൽ ഇംഗ്ലണ്ടും ദക്ഷിണാഫ്രിക്കയും തമ്മിലുള്ള വെള്ളിയാഴ്ചത്തെ കളിയും റേച്ചൽ ഹെയ്ഹോ ഫ്ലിന്റ് ട്രോഫിയിലെ എല്ലാ ഷെഡ്യൂൾ ചെയ്ത മത്സരങ്ങളും നടക്കില്ല. വെള്ളിയാഴ്ചക്ക് ശേഷമുള്ള മത്സരങ്ങളുടെ കാര്യത്തിൽ തീരുമാനം ഉടനെ ഉണ്ടാകും.”
ബാക്കിയുള്ള ടെസ്റ്റുകളുടെ വിധി തീരുമാനിക്കാൻ ഇസിബി സർക്കാരുമായി കൂടിയാലോചന തുടരുകയാണ്. രണ്ടാം ദിവസത്തെ ടിക്കറ്റ് ഉടമകൾക്ക് മുഴുവൻ റീഫണ്ടിനും അർഹതയുണ്ടെന്ന് ബോർഡ് സ്ഥിരീകരിച്ചു. രണ്ടാം ദിവസം ശനിയാഴ്ചയിലേക്ക് മാറ്റണോ അതോ മത്സരം മൊത്തത്തിൽ റദ്ദാക്കണോ എന്നതിന്റെ സാധ്യതകൾ ചർച്ച ചെയ്യാൻ ECB, CSA ഉദ്യോഗസ്ഥർ യോഗം ചേർന്നതായി ESPN Cricinfo റിപ്പോർട്ട് ചെയ്തു.