മറക്കാൻ ആഗ്രഹിക്കുന്ന ഐ.പി.എൽ സീസണ് ശേഷം, മുംബൈ ഇന്ത്യൻസ് അടുത്ത പതിപ്പിനുള്ള തയ്യാറെടുപ്പുകൾ ആരംഭിക്കാൻ ഒരുങ്ങുകയാണ്, ജൂലായിൽ തങ്ങളുടെ അൺക്യാപ്പ്ഡ് ഇന്ത്യൻ കളിക്കാർക്കായി മൂന്നാഴ്ച്ചത്തെ ഇംഗ്ലണ്ട് പര്യടനമാണ് ടീമിന്റെ മനസിലുള്ള പദ്ധതി.
അത്യാധുനിക സൗകര്യങ്ങളിൽ ഒരുക്കുന്ന പരിശീലന സെക്ഷനുകൾ കൂട്ടാതെ, മുംബൈ താരങ്ങൾ വിവിധ ടോപ് ടീമുകൾക്ക് എതിരെ പരിശീലന മത്സരങ്ങളും കളിക്കും.
“തിലക് വർമ്മ, കുമാർ കാർത്തികേയ, രമൺദീപ് സിംഗ്, ഹൃത്വിക് ഷോക്കീൻ എന്നിവരടങ്ങുന്ന ടീമായിരിക്കും പരിശീലനത്തിന് ഇംഗ്ലണ്ടിലേക്ക് പോവുക.. “യുകെയിലുള്ള അർജുൻ ടെണ്ടുൽക്കറും ദക്ഷിണാഫ്രിക്കൻ യുവതാരം ഡെവാൾഡ് ബ്രെവിസും ടീമിനൊപ്പം ചേരാൻ സാധ്യതയുണ്ട്.”
യുവ താരങ്ങളുടെ പുരോഗതി നിരീക്ഷിക്കാൻ മുഖ്യ പരിശീലകൻ മഹേല ജയവർധനെ ഉൾപ്പെടെയുള്ള മുംബൈ സപ്പോർട്ട് സ്റ്റാഫ് ഇംഗ്ലണ്ടിലുണ്ടാകും.
“നോക്കൂ, ഇന്ത്യൻ ആഭ്യന്തര സീസൺ അവസാനിച്ചു, ക്യാപ്റ്റൻ രോഹിത് ശർമ്മ, പ്രീമിയർ പേസർ ജസ്പ്രീത് ബുംറ തുടങ്ങിയ മുൻനിര താരങ്ങൾ ഇപ്പോൾ ദേശീയ ടീമിനൊപ്പം വിവിധ മത്സരങ്ങൾക്ക് തയാറെടുക്കുമ്പോൾ . നിരീക്ഷിക്കപ്പെടേണ്ടത് നമ്മുടെ യുവതാരങ്ങളാണ്. അടുത്ത ആഭ്യന്തര സീസൺ ആരംഭിക്കുന്നതിന് മുമ്പ് അവർക്ക് മൂന്നര മാസത്തേക്ക് മാച്ച് പരിശീലനമൊന്നും ഉണ്ടാകില്ല. അതിനാൽ തന്നെ അവർക്ക് പരിശീലനം നൽകുകയാണ്.”
ഈ യാത്രയ്ക്ക്, ടീം മറ്റ് ഫ്രാഞ്ചൈസികൾക്കെതിരെയോ വിദേശ ടി20 ടീമുകൾക്കെതിരെയോ എക്സിബിഷൻ ഗെയിമുകൾ കളിക്കുന്നില്ലെങ്കിൽ മുംബൈക്ക് ബിസിസിഐയുടെ അനുമതി ആവശ്യമില്ല.
“ടിക്കറ്റുകൾ വിൽക്കുകയോ മത്സരം ഒരു പ്രത്യേക ചാനലിൽ സംപ്രേക്ഷണം ചെയ്യുകയോ ഏതെങ്കിലും ആപ്പിൽ സ്ട്രീം ചെയ്യുകയോ ചെയ്യുന്ന ഒരു വാണിജ്യ യാത്രയല്ല ഈ യാത്ര. യാത്ര ഒരു വരുമാനം ഉണ്ടാക്കുന്നതല്ലാത്തതിനാൽ, ബിസിസിഐ അനുമതി ഞങ്ങൾക്ക് ആവശ്യമില്ല.”