ഇന്ത്യ കണ്ട ഏറ്റവും മികച്ച ബാറ്റർ ആരാണ്? സച്ചിനാണോ കോഹ്‌ലിയാണോ അതോ ഗവാസ്‌ക്കർ ആണോ? ഇങ്ങനെ ഒരു ചോദ്യം മാധ്യമങ്ങൾ ചോദിക്കുമ്പോൾ പലർക്കും പല അഭിപ്രയങ്ങൾ പറയാൻ ഉണ്ടാകും. ചിലർക്ക് സച്ചിനാണ് മികച്ച താരം എങ്കിൽ ചിലർക്ക് അത് കോഹ്‌ലിയാണ്. ചിലർക്ക് അത് സുനിൽ ഗവാസ്‌ക്കർ ആണ്. എന്നാൽ ഗൗതം ഗംഭീറിനോട് ഈ ചോദ്യം ചോദിച്ചാൽ അദ്ദേഹത്തിന് വ്യത്യസ്തമായ അഭിപ്രായമാണ് പറയാൻ ഉള്ളത്.
അദ്ദേഹത്തിന്റെ അഭിപ്രായത്തിൽ ഏറ്റവും മികച്ച ബാറ്റർ യുവരാജ് സിങാണ്. യുവിയുടെ പേര് ചോദ്യം ചോദിച്ച ആൾ ലിസ്റ്റിൽ പോലും ഉൾപ്പെടുത്തിയിരുന്നില്ല. എന്നാൽ അദ്ദേഹം യുവരാജിനെ ഏറ്റവും മികച്ച ബാറ്റർ ആയി പറയുക ആയിരുന്നു. അദ്ദേഹത്തെ സംബന്ധിച്ച് രണ്ട് ലോകകപ്പുകളിൽ( 2007 ടി 20 ലോകകപ്പ്, 2011 ലോകകപ്പ് )ഇതിൽ രണ്ടിലും ഇന്ത്യൻ കിരീട നേട്ടത്തിൽ പ്രധാന പങ്ക് വഹിച്ചത് ഗൗതം ഗംഭീർ ആയിരുന്നു.
” ഏറ്റവും മികച്ച ബാറ്റർ യുവി തന്നെയാണ്. അവന്റെ റേഞ്ച് വേറെ ലെവലാണ്. അദ്ദേഹത്തിനൊപ്പം ആരും എത്തില്ല എന്നതാണ് സത്യം. സച്ചിനും കോഹ്‌ലിയും ധോണിയും എല്ലാം ഏറ്റവും മികച്ച താരങ്ങളാണ്. എന്നാൽ യുവിയാണ് ഇവരിൽ ഏറ്റവും മികച്ചവൻ.” ഗംഭീർ തന്റെ അഭിപ്രായമായി പറഞ്ഞു.
എല്ലാ കാലത്തും കടുത്ത മറുപടികൾക്ക് ഗൗതം ഗംഭീർ പ്രശസ്തനാണ്. ലയണൽ മെസ്സി, ക്രിസ്റ്റ്യാനോ റൊണാൾഡോ എന്നിവരിൽനിന്ന് ഒരാളെ തിരഞ്ഞെടുക്കാൻ അദ്ദേഹത്തിന് ഒരു ഓപ്ഷൻ നൽകി. എന്നാൽ അദ്ദേഹത്തിന്റെ മറുപടി അവതാരകനെ അമ്പരപ്പിച്ചു. ഗംഭീർ: ഒന്നുമില്ല. ഞാൻ മാർക്കസ് റാഷ്‌ഫോർഡിനായി പോകും. എന്നാണ് ഗംഭീർ മറുപടി നൽകിയത്.
മാഞ്ചസ്റ്റർ യുണൈറ്റഡഡിന്റെ 2022/23 സീസണിലെ മികച്ച താരത്തിനുള്ള സർ മാറ്റ് ബസ്ബി പ്ലെയർ ഓഫ് ദ ഇയർ അവാർഡ് പുരസ്‌കാരം മാർക്കസ് റാഷ്‌ഫോർഡ് സ്വന്തമാക്കിയിരുന്നു.