ടി20യില്നിന്നും വിരമിച്ച ഇതിഹാസ താരം വിരാട് കോഹ്ലിക്കു പകരം ആരാണ് ടീമിലേക്കു വരേണ്ടതെന്നു ചൂണ്ടിക്കാണിച്ച് മുന് മുഖ്യ സെലക്ടറും നായകനുമായിരുന്ന കെ ശ്രീകാന്ത്. സഞ്ജു സാംസണിനെ പകരം പരിഗണിക്കമെന്ന വാദത്തെ തള്ളിയ ശ്രീകാന്ത് കെ.എല് രാഹുലിനെ മുന്നാം നമ്പറില് സ്ഥിരമാക്കണമെന്ന് പറഞ്ഞു.
റോള്സ് റോയ്സെന്നറിയപ്പെടുന്ന ബാറ്ററാണ് കെഎല് രാഹുല്. ഇന്ത്യക്കു ഈ റോള്സ് റോയ്സ് ഉറപ്പായിട്ടും വേണം. വിരാട് കോഹ്ലി ഒഴിഞ്ഞിട്ട മൂന്നാം നമ്പറിലേക്കു വരേണ്ടയാള് രാഹുലാണ്. ഈ പൊസിഷനില് വളരെ മികച്ച ഇന്നിംഗ്സുകള് കളിക്കാന് അദ്ദേഹത്തിനു സാധിക്കും. കോഹ്ലിയുടെ വിരമിക്കലിനു ശേഷം ടി20യില് രാഹുലിന്റെ പ്രാധാന്യം കൂടുതല് വര്ധിച്ചിരിക്കുകയാണ്. അദ്ദേഹമില്ലാതെ ഇനി ഇന്ത്യക്കു മുന്നോട്ടുു പോവാന് കഴിയില്ല.
ഓപ്പണില് യശസ്വി ജയ്സ്വാളോ, അഭിഷേക് ശര്മയോ ആരു വേണമെങ്കിലും കളിക്കട്ടെ. പക്ഷെ വിരാട് കോഹ്ലിയെപ്പോലെയൊരാള് ടി20യില് ടീമിനു തീര്ച്ചയായും ആവശ്യമാണ്. ഈ റോള് ഏറ്റവും നന്നായി നിര്വഹിക്കാനും ടി20യില് ടീമിനെ ഒരുമിച്ച് കൊണ്ടുപോവാനും സാധിക്കുന്നയാള് കെഎല് രാഹുല് തന്നെയാണ്.
റോള്സ് റോയ്സ് രാഹുല്, നിന്റെ സമയം വന്നിരിക്കുകയാണ്. ടി20യില് അവന് വൈകാതെ തന്നെ ടീമിലേക്കു തിരിച്ചുവരും. ശ്രീലങ്കയുമായി നടക്കാനിരിക്കുന്ന അടുത്ത ടി20 പരമ്പരയില് രാഹുലിനെ തിരിച്ചുവിളിച്ചേക്കും- ശ്രീകാന്ത് കൂട്ടിച്ചേര്ത്തു.