2023ലെ ഏഷ്യാ കപ്പിലെയും ഐസിസി ലോകകപ്പിലെയും സാഹചര്യങ്ങൾക്കനുസരിച്ച് വിരാട് കോഹ്ലി തന്റെ സമീപനത്തിൽ മാറ്റം വരുത്തണം എന്ന അഭിപ്രായം പറയുകയാണ് രവി ശാസ്ത്രി. അടുത്തിടെ സാഹചര്യങ്ങൾക്ക് അനുസരിച്ച് ബാറ്റിംഗിൽ വരുത്തിയ ജോ റൂട്ടിന്റെയും സ്റ്റീവ് സ്മിത്തിന്റെയും ഉദാഹരണങ്ങൾ അദ്ദേഹം ചൂണ്ടികാണിച്ചു. ചില ഘട്ടങ്ങളിൽ ബാറ്റിംഗ് രീതിയിൽ വിരാട് കോഹ്ലി മാറ്റം വരുത്തേണ്ട അവസ്ഥ വരുമെന്നും രവി ശാസ്ത്രി അഭിപ്രായമായി പറഞ്ഞു.
“നിങ്ങൾ എത്ര വലിയ ക്രിക്കറ്റ് കളിക്കാരനായാലും കാലത്തിനനുസരിച്ച് മാറണം, വിരാട് കോഹ്ലിക്കും അങ്ങനെ തന്നെ. ജോ റൂട്ട്, സ്റ്റീവ് സ്മിത്ത് തുടങ്ങിയവരെ അങ്ങനെ മാറി നിങ്ങൾ കണ്ടു. കോഹ്ലി തന്റെ കരിയറിൽ ചില മാറ്റങ്ങൾ വരുത്തേണ്ട അവസ്ഥയാണ്. ”സ്റ്റാർ സ്പോർട്സിൽ അദ്ദേഹം പറഞ്ഞു.
“നിങ്ങൾ വികസിക്കുകയും കാലത്തിനനുസരിച്ച് നീങ്ങുകയും വേണം, കാരണം ക്രിക്കറ്റ് ഒരു നൂതന ഗെയിമാണ്. മാറ്റങ്ങൾ വന്നാൽ മാത്രമേ നിങ്ങൾക്ക് ക്രിക്കറ്റിൽ ഇനി വിജയിക്കാൻ പറ്റുകയുള്ളു. കോഹ്ലി മാത്രമല്ല ഇന്ത്യൻ ക്രിക്കറ്റിലെ ഓരോ താരങ്ങളും സാഹചര്യങ്ങൾക്ക് അനുസരിച്ച് മാറണം.” ശാസ്ത്രി പറഞ്ഞ് അവസാനിപ്പിച്ചു.
ശാസ്ത്രിയും കോഹ്ലിയും വർഷങ്ങളോളം പരിശീലകനായും ക്യാപ്റ്റനായും ഇന്ത്യൻ ടീമിന്റെ ഭാഗമായിരുന്നു.