2025 ഐപിഎൽ ചാമ്പ്യന്മാരായി റോയൽ ചലഞ്ചേഴ്സ് ബെംഗളൂരു. 18 വർഷത്തെ കാത്തിരിപ്പിനൊടുവിലാണ് വിരാട് കോഹ്ലി ഐപിഎൽ കിരീടത്തിൽ മുത്തമിട്ടത്. മുത്തമിട്ടു. 6 റൺസിനാണ് ആർസിബി പഞ്ചാബ് കിങ്സിനെ ഫൈനലിൽ തോല്പിച്ചത്. ഇതോടെ വിരാട് കോഹ്ലി തന്റെ ക്രിക്കറ്റ് യാത്രയിൽ ഇനി നേടാനായി ഒരു ട്രോഫി പോലും ബാക്കിയില്ല.
ഒരു ഐപിഎൽ ട്രോഫിക്ക് വേണ്ടി 18 കൊല്ലമാണ് വിരാട് കാത്തിരുന്നത്. എന്നാൽ വിരാട് കോഹ്ലിയുടെ കാത്തിരിപ്പല്ല, സാക്ഷാൽ സച്ചിൻ ടെണ്ടുൽക്കർ ലോകകപ്പിനായി കാത്തിരുന്ന കാര്യത്തെ കുറിച്ച് സംസാരിച്ചിരിക്കുകയാണ് മുൻ ഇന്ത്യൻ താരം വിരേന്ദർ സെവാഗ്.
വിരേന്ദർ സെവാഗ് പറയുന്നത് ഇങ്ങനെ:
” കപ്പ് നേടാനുള്ള കോഹ്ലിയുടെ കാത്തിരിപ്പ് 18 വര്ഷമേ ആയിട്ടുള്ളൂ. 1989 മുതല് 2011 വരെ സച്ചിന് ടെണ്ടുല്ക്കര് കാത്തിരുന്നു. എന്നിട്ടും സച്ചിന് ഒരിക്കലും പോലും പ്രതീക്ഷ കൈവിട്ടില്ല. അദ്ദേഹം മനസ്സില് ഉറപ്പിച്ചിരുന്നു, ഒരു ലോകകപ്പ് ട്രോഫി കയ്യില് പിടിച്ചുകൊണ്ട് മാത്രമേ പിന്മാറൂ എന്ന്” വിരേന്ദർ സെവാഗ് പറഞ്ഞു.