ഇന്ത്യന്‍ ക്രിക്കറ്റ് ലോകത്തിന് ഒരിക്കലും മറക്കാനാകാത്ത പരശീലകരില്‍ ഒരാളാണ് ജോണ്‍ റൈറ്റ്. വാതുവെപ്പ് വിവാദത്തെ തുടര്‍ന്ന് തകര്‍ന്നടിഞ്ഞ ടീം ഇന്ത്യയെ 2003ലെ ലോകകപ്പില്‍ ഫൈനലോളം എത്തിച്ച മാന്ത്രികന്‍. ഗാംഗുലി ജോണ്‍ റൈറ്റ് കൂട്ടുകെട്ട് ക്രിക്കറ്റിനെ സ്‌നേഹിച്ച ഒരാള്‍ക്കും മറക്കാനാകില്ല.
ഇതാ ജോണ്‍ റൈറ്റ് വീണ്ടും ഇന്ത്യയിലെത്തിയിരിക്കുന്നു. ഐപിഎല്ലില്‍ മുംബൈ ഇന്ത്യന്‍സിനായി യുവതാരങ്ങളെ കണ്ടെത്തുക എന്ന ഭൗത്യമാണ് ജോണ്‍ റൈറ്റിന് നിര്‍വ്വഹിക്കാനുളളത്. രഞ്ജി ട്രോഫി ക്വാര്‍ട്ടര്‍ പോരാട്ടങ്ങള്‍ സസൂക്ഷം നിരീക്ഷിച്ച ഈ മുന്‍ ഇന്ത്യന്‍ കോച്ച് ചില താരങ്ങളെയെല്ലാം നോട്ടമിട്ടും വെച്ചിട്ടുണ്ട്.
നാഗ്പൂരില്‍ നടന്ന കര്‍ണാടക-മുംബൈ മത്സരം കാണാന്‍ ജോണ്‍ റൈറ്റ് നേരിട്ടെട്ടിയിരുന്നു. കേരള വിദര്‍ഭ പോരാട്ടത്തിന് അദ്ദേഹത്തിന്റെ പ്രതിനിധികളും സൂറത്തിലെത്തി.
ഐപിഎല്‍ ലേലത്തിന് മുന്നോടിയായിട്ടാണ് ജോണ്‍റൈറ്റിസിന്റെ നിരീക്ഷണങ്ങള്‍. നേരത്തെ 2013ല്‍ മുംബൈ ഇന്ത്യന്‍സിന്റെ പരിശീലകനായിരുന്ന റൈറ്റ് ടീമിനെ കിരീടവും അണിയിച്ചിരുന്നു.