ഐപിഎല് ഫൈനലിന് മുന്പായി ആര്സിബിയുടെ ഡ്രസിങ് റൂമിലെത്തി ഐസിസി ചെയര്മാനും മുന് ബിസിസിഐ സെക്രട്ടറിയുമായിരുന്ന ജയ് ഷാ. ഫൈനല് തുടങ്ങുന്നതിന് മണിക്കൂറുകള്ക്ക് മുന്പാണ് ആര്സിബി ടീമംഗങ്ങള് താമസിക്കുന്ന ഹോട്ടലില് ജയ് ഷാ എത്തിയത്. ജയ് ഷാ ഹോട്ടലില് വന്നിറങ്ങുന്നതിന്റെ വീഡിയോ സോഷ്യല് മീഡിയയില് നിറയുകയാണ്. അതേസമയം മറ്റ് ആവശ്യങ്ങള്ക്കായാണ് അദ്ദേഹം ഹോട്ടലില് എത്തിയതെന്നും ആര്സിബി താരങ്ങളുമായി ആശയവിനിമയം നടത്തിയിട്ടില്ലെന്നുമാണ് റിപ്പോര്ട്ടുകള്.
എന്നാല് ആരാധകര് പല തരത്തിലാണ് ഈ സന്ദര്ശനം വ്യാഖ്യാനിക്കുന്നത്. ഇത്തവണത്തെ ഐപിഎല് ഫൈനലില് മാച്ച് ഫിക്സിങ് നടക്കാനുളള സാധ്യതയുണ്ടെന്ന് ആരാധകര് പറയുന്നു. ജയ്ഷാ ആദ്യമേ ഫൈനല് സ്ക്രിപ്റ്റ് ഉണ്ടാക്കിയിട്ടാണ് വന്നതെന്ന് മറ്റുചിലരും ആരോപിക്കുന്നു. ഈ സന്ദര്ശനത്തില് എന്തോ കാര്യമുണ്ട് എന്ന് മറ്റ് ഫാന്സും കമന്റിട്ടിരിക്കുന്നു.
എന്നാല് കോഹ്ലിയെ ടെസ്റ്റ് വിരമിക്കലില് നിന്നും പിന്തിരിപ്പിക്കാനാണ് ജയ് ഷായുടെ വരവെന്നാണ് ആരാധകരില് ചിലര് പറയുന്നത്. ഫൈനലില് ടോസ് നേടിയ പഞ്ചാബ് കിങ്സ് ബോളിങ് തിരഞ്ഞെടുത്തിരിക്കുകയാണ്. ആദ്യ ബാറ്റിങ്ങില് 7 ഓവറുകള് പൂര്ത്തിയായപ്പോള് രണ്ട് വിക്കറ്റിന് 61 റണ്സ് എന്ന നിലയിലാണ് ആര്സിബി. വിരാട് കോഹ്ലിയും നായകന് രജത് പാട്ടിധാറുമാണ് ക്രീസില്.