റോയൽ ചലഞ്ചേഴ്സ് ബെംഗളൂരു (ആർസിബി) മുൻ ഓൾറൗണ്ടർ ഷെയ്ൻ വാട്സൺ 2016 ലെ ഐപിഎൽ കിരീടം നഷ്ടപെടുത്തിയതിനെക്കുറിച്ച് ബാംഗ്ലൂർ ആരാധകരോട് അടുത്തിടെ ബംഗളൂരുവിലെ പ്രസിഡൻസി യൂണിവേഴ്സിറ്റിയിൽ നടന്ന ഒരു പരിപാടിയിൽ ക്ഷമാപണം നടത്തി. 2008 മുതൽ 2015 വരെ രാജസ്ഥാൻ റോയൽസിനൊപ്പം (ആർആർ) കളിച്ച ശേഷം 2016ലും 2017ലും ഓസീസ് ആർസിബിക്ക് വേണ്ടി താരം കളിച്ചു.
ഐപിഎൽ 2016 സീസണിൻ്റെ രണ്ടാം പകുതിയിൽ നടത്തിയ മികച്ച പ്രകടനങ്ങൾക്ക് ഒടുവിൽ ആർസിബി പ്ലേ ഓഫിലേക്കും ഒടുവിൽ ഫൈനലിലേക്കും യോഗ്യത നേടി. എന്നിരുന്നാലും, സൺറൈസേഴ്സ് ഹൈദരാബാദിനെതിരായ ഫൈനൽ മത്സരത്തിൽ ആർസിബി ബൗളർമാർ ചെണ്ടകൾ ആയപ്പോൾ ഹൈദരാബാദ് 20 ഓവറിൽ 208/7 എന്ന കൂറ്റൻ സ്കോർ ഉയർത്തി. 4 ഓവറിൽ 0/61 എന്ന നിലയിൽ ഫിനിഷ് ചെയ്ത ആർസിബിയുടെ ദയനീയമായ ബൗളിംഗ് പ്രകടനത്തിലെ ഏറ്റവും വലിയ കുറ്റവാളി വാട്സണായിരുന്നു. റൺ വേട്ടയ്ക്കിടെ അദ്ദേഹത്തിന് ബാറ്റിംഗിലും 9 റൺ മാത്രം നേടി അദ്ദേഹം നിരാശപ്പെടുത്തി.
“ഇന്ന് രാത്രി ഇവിടെയുള്ള എല്ലാ ആർസിബി ആരാധകരോടും എനിക്ക് ക്ഷമാപണം നടത്താൻ തോന്നുന്നു. ആർസിബി ആരാധകരോട് എനിക്ക് വളരെയധികം മാപ്പ് പറയേണ്ടതിൻ്റെ കാരണം 2016 ഐപിഎൽ ഫൈനൽ ചിന്നസ്വാമി സ്റ്റേഡിയത്തിൽ നടന്ന കാര്യത്തെക്കുറിച്ച് എനിക്ക് വിഷമം ഉണ്ട്. എനിക്ക് കഴിയുന്നത് പോലെ ഞാൻ തയ്യാറായിരുന്നു. മികച്ച പ്രകടനം നടത്തുമെന്ന് ഞാൻ പ്രതീക്ഷിച്ചിരുന്നു. എൻ്റെ ഏറ്റവും മികച്ചത് നല്കാൻ എനിക്ക് പറ്റിയില്ല. ബൗളിംഗ് നോക്കിയാൽ ഞാൻ ദയനീയ പ്രകടനമാണ് നടത്തിയത്.”
ഫൈനലിലെ തോൽവികൾക്കിടയിലും, വാട്സൺ 2016 ഐപിഎൽ സീസണിൽ മികച്ച് നിന്നിരുന്നു. 16 മത്സരങ്ങളിൽ നിന്ന് താരം 20 വിക്കറ്റാണ് നേടിയത്.