ശനിയാഴ്ച വെസ്റ്റ് ഇൻഡീസിനെതിരായ നാലാം ടി 20 യിൽ ഒന്നെങ്കിൽ മരണം അല്ലെങ്കിൽ നിലനിൽപ്പ് സാഹചര്യത്തിൽ ഇറങ്ങുന്നത് സന്ദർശകർക്ക് ഒരു അനുഗ്രഹമായിരിക്കുമെന്ന് ടീം ഇന്ത്യയുടെ ബൗളിംഗ് കോച്ച് പരാസ് മാംബ്രെ കരുതുന്നു. ഇന്ന് വെസ്റ്റ് ഇൻഡീസിനെതിരെ നടക്കുന്ന ടി 20 മത്സരത്തിൽ പരാജയപെട്ടാൽ ഇന്ത്യ പരമ്പര കൈവിടും. വിജയിച്ചാൽ പരമ്പരയിൽ ജീവൻ നിലനിർത്തി ആവേശകരമായ പോരാട്ടത്തിലേക്ക് കടക്കാനും ഇന്ത്യക്ക് സാധിക്കും.
കഴിഞ്ഞ മത്സരത്തിൽ 7 വിക്കറ്റിന് ജയിച്ചതോടെയാണ് ഇന്ത്യ തിരിച്ചുവരവ് നടത്തിയത്. പരമ്പരയിൽ ആദ്യമായി ഇന്ത്യൻ ബാറ്റിംഗ് നിര ഉത്തരവാദിത്വം കാണിച്ചപ്പോൾ ആഗ്രഹിച്ചത് പോലെ തന്നെ ഇന്ത്യ ജയം സ്വന്തമാക്കി. സൂര്യകുമാർ യാദവ് ഉൾപ്പടെ ഉള്ളവർ ഫോമിലേക്ക് തിരിച്ചുവരുന്നതിന്റെ സൂചനയും കാണിച്ചത് ഇന്ത്യക്ക് കരുത്ത് പകരും.
“ഇടക്ക് ഇങ്ങനെ ഉള്ള സാഹചര്യങ്ങൾ ഉണ്ടാകുന്നത് നല്ല കാര്യമാണ്. അതാകുമ്പോൾ എല്ലാവരും നല്ല സ്പിരിറ്റിൽ കളിക്കത്തിൽ ഇറങ്ങും. ജയം അല്ലെങ്കിൽ മരണം എന്നതാണ് ഞങ്ങളുടെ അവസ്ഥ. താരങ്ങൾ സമ്മർദ്ദത്തെ എങ്ങനെ അതിജീവിക്കും എന്നത് കാണണം എങ്കിൽ ഇങ്ങനെയുള്ള മത്സരങ്ങൾ വരണം. ഞങ്ങൾ കരുത്തോടെ ഇറങ്ങും.” പരാസ് മാംബ്രെ പറഞ്ഞു.
അടുത്ത വർഷം നടക്കാനിരിക്കുന്ന ടി 20 ലോകകപ്പ് മുൻനിർത്തി യുവതാരങ്ങൾക്ക് കൂടുതലായി അവസരങ്ങൾ നൽകുകയാണ് ഇന്ത്യ ഇപ്പോൾ. എന്തിരുന്നാലും ലോകകപ്പ് യോഗ്യത പോലും ഇല്ലാത്ത വെസ്റ്റ് ഇൻഡീസിനോട് പരാജയപ്പെട്ടാൽ ഇന്ത്യക്ക് അത് ക്ഷീണം ആകും.