ഇപ്പോൾ നടക്കുന്ന ഐപിഎലിൽ ഡൽഹി ക്യാപിറ്റൽസിനെതിരെ സൺ റൈസേഴ്സ് 7 വിക്കറ്റിന് പരാജയപെട്ടു. ബാറ്റിംഗിൽ ഹൈദരാബാദ് 163 നു ഓൾ ഔട്ട് ആയിരുന്നു. 300 റൺസ് അടിക്കാൻ കെല്പുള്ള ടീം എന്ന് പലരും വിധിയെഴുതിയ ഹൈദരാബാദ് ഓൾ ഔട്ട് ആയതിൽ നിരാശരാണ് ആരാധകർ. ബാറ്റിംഗിൽ സൺ റൈസേഴ്സ് താരങ്ങളിൽ അനികേത് വർമ്മ 41 പന്തിൽ 6 ഫോറും 5 സിക്സറുമടക്കം 71 റൺസ് നേടി മികച്ച പ്രകടനം കാഴ്ച വെച്ചു. എന്നാൽ ബാക്കി താരങ്ങൾ ആരും തന്നെ മികച്ച പിന്തുണ നൽകിയില്ല.
മത്സരത്തിൽ ഡെൽഹിക്കായി യുവ താരം അഭിഷേക് പോറൽ 18 പന്തിൽ 34 റൺസ് നേടി. മത്സരത്തിനിടയിൽ അഭിഷേക് പോറൽ ഒരു ക്യാച്ച് വിട്ടിരുന്നു. ആ സമയത്ത് തനിക്ക് വേണ്ട പിന്തുണ നൽകിയത് കെ എൽ രാഹുൽ ആണെന്നും മത്സരത്തിൽ തന്നോട് ശ്രദ്ധിക്കാൻ പറഞ്ഞ കാര്യത്തെ കുറിച്ചും അഭിഷേക് പോറൽ സംസാരിച്ചു.
അഭിഷേക് പോറൽ പറയുന്നത് ഇങ്ങനെ:
” കെ എൽ രാഹുൽ തനിക്ക് മൂത്ത സഹോദരനെപ്പോലാണ്. സൺറൈസേഴ്സിനെതിരായ മത്സരത്തിൽ ഒരു ക്യാച്ച് വിട്ടപ്പോൾ രാഹുൽ എനിക്ക് പിന്തുണ നൽകി. ക്യാച്ച് കൈവിട്ടതോർത്ത് വിഷമിക്കണ്ടേതില്ലെന്നും ബാറ്റിങ്ങിൽ ശ്രദ്ധിക്കാനുമായിരുന്നു രാഹുലിന്റെ വാക്കുകൾ. അത് സ്വതസിദ്ധമായ ശൈലിയിൽ കളിക്കാൻ തന്നെ സഹായിച്ചു” അഭിഷേക് പോറൽ പറഞ്ഞു.