ഇപ്പോൾ നടക്കുന്ന ഐപിഎലിൽ ഡൽഹി ക്യാപിറ്റൽസിനെതിരെ വീണ്ടും നിരാശ സമ്മാനിച്ച് ഋഷഭ് പന്ത്. മുൻ ലക്നൗ സൂപ്പർ ജെയ്ന്റ്സ് ക്യാപ്റ്റൻ ആറ് പന്തിൽ ഗോൾഡൻ ഡക്ക് ആയി പുറത്തായിരിക്കുകയാണ്. അന്താരാഷ്ട്ര ടി 20 യിൽ സഞ്ജുവിനെ പുറത്താക്കി വീണ്ടും വിക്കറ്റ് കീപ്പറാകാൻ ഐപിഎലിലെ പ്രകടനത്തിലൂടെ വഴി തെളിയും എന്നായിരുന്നു താരത്തിന്റെ വിചാരം. എന്നാൽ ആ കാര്യത്തിൽ ഇന്ന് തീരുമാനമായി.
നിലവിൽ മത്സരത്തിൽ പൂർണാധിപത്യത്തിൽ നിൽക്കുന്നത് ലക്നൗ സൂപ്പർ ജയന്റ്സാണ്. 17 ഓവർ ആയപ്പോൾ തന്നെ ടീം 6 വിക്കറ്റ് നഷ്ടത്തിൽ 178 റൺസ് കടന്നു. ഓപ്പണറായ മിച്ചൽ മാർഷ് 36 പന്തിൽ 6 ഫോറും, 6 സിക്സറുമടക്കം 72 റൺസ് നേടി. കൂടാതെ നിക്കോളസ് പുരാൻ 30 പന്തിൽ 6 ഫോറും, 7 സിക്സറുമടക്കം 75 റൺസ് നേടി.
ഡൽഹി ക്യാപിറ്റൽസിനു വേണ്ടി കുൽദീപ് യാദവ് മികച്ച പ്രകടനമാണ് കാഴ്ച വെക്കുന്നത്. 4 ഓവറിൽ 20 റൺസ് വഴങ്ങി 2 വിക്കറ്റുകളും സ്വന്തമാക്കി. കൂടാതെ വിപ്പ്രാജ് നിഗം, മിച്ചൽ സ്റ്റാർക്ക്, മുകേഷ് കുമാർ എന്നിവർ ഓരോ വിക്കറ്റുകൾ വീതം നേടി.