ഹെന്റിച്ച് ക്ലാസന് ഇന്നിംഗ്സ് അവസാനം വരെ ബാറ്റ് ചെയ്തിരുന്നെങ്കില് സണ്റൈസേഴ്സ് സ്കോര് 400 കടന്നേനെ എന്ന് നവ്ജ്യോത് സിംഗ് സിദ്ധു ധീരമായ പ്രസ്താവന നടത്തി. എന്നാല് 8 പന്തില് 2 സിക്സറടക്കം 15 റണ്സാണ് താരത്തിന് നേടാനായത്. അക്സര് പട്ടേലിന്റെ പന്തില് താരം ക്ലീന് ബൗള്ഡായി.
അഭിഷേക് ശര്മ്മയും ട്രാവിസ് ഹെഡും തുടങ്ങിയ രീതിയില്, സണ്റൈസേഴ്സിന് ഡല്ഹി ക്യാപിറ്റല്സിനെതിരെ 400 റണ്സ് കടക്കാമായിരുന്നു. സന്ദര്ശക ടീമിന് ഇന്നിംഗ്സിന്റെ 20-ാം ഓവര് വരെ തുടരാന് ഹെന്റിച്ച് ക്ലാസന് ആവശ്യമായിരുന്നു. കളിയുടെ ഈ ഫോര്മാറ്റിലെ ഏറ്റവും അപകടകാരിയായ ബാറ്ററാണ് അദ്ദേഹം.
ഫാസ്റ്റ് ബോളര്മാര്ക്കും സ്പിന്നര്മാര്ക്കും എതിരെ സ്ഥിരമായി സിക്സറുകള് അടിക്കാന് അവനാകും. അവന് മുന്നോട്ടുപോയിക്കഴിഞ്ഞാല് നിങ്ങള്ക്ക് അവനെ തടയാന് കഴിയില്ല. അദ്ദേഹം അധികനേരം തുടരാതിരുന്നത് ഡല്ഹിയ്ക്ക് ഭാഗ്യമായി. അല്ലാത്തപക്ഷം സ്കോര്കാര്ഡ് കുതിച്ചുയരുമായിരുന്നു- നവജ്യോത് സിംഗ് സിദ്ദു പറഞ്ഞു.
ട്രാവിസ് ഹെഡാണ് കൂട്ടക്കൊലയ്ക്ക് തുടക്കമിട്ടത്, തുടര്ന്ന് അഭിഷേക് ശര്മ്മയും. 32 പന്തില് 11 ഫോറും 6 സിക്സും ഉള്പ്പെടെ 89 റണ്സാണ് ഓസീസ് താരം അടിച്ചുകൂട്ടിയത്. മറുവശത്ത്, ശര്മ്മ 12 പന്തില് 6 സിക്സറും 2 ഫോറും സഹിതം 46 റണ്സെടുത്തു. എന്നാല്, കുല്ദീപ് യാദവ് വിക്കറ്റ് വീഴ്ത്തിയ നിമിഷം സ്കോറിംഗ് നിരക്ക് കുറഞ്ഞു. 29 പന്തില് 5 സിക്സും 2 ഫോറും സഹിതം പുറത്താകാതെ 59 റണ്സുമായി അബ്ദുള് സമദ് ഫൈനല് ടച്ച് നല്കി. കുല്ദീപ് യാദവ് 4 വിക്കറ്റ് വീഴ്ത്തി.