അന്താരാഷ്ട്ര ക്രിക്കറ്റില്‍നിന്ന് വിരമിച്ച ശേഷവും എംഎസ് ധോണി ഇപ്പോഴും ആരാധകര്‍ ഏറെ ഇഷ്ടപ്പെടുകയും ബഹുമാനിക്കുകയും ചെയ്യുന്ന വ്യക്തിയാണ്. മുന്‍ ഇന്ത്യന്‍ ക്യാപ്റ്റന്‍ ഇന്ത്യന്‍ ടീമിന് ലഭിച്ചതില്‍വെച്ചും ഏറ്റവും മികച്ച നായകന്മാരില്‍ ഒരാളാണ്. ഇതിഹാസം തന്റെ 41 വയസ്സില്‍ എത്തി നില്‍ക്കുമ്പോള്‍ ഇത് വരുന്ന ഐപിഎല്‍ ടൂര്‍ണമെന്റ് താരത്തിന്റെ അവസാന സീസണായിരിക്കുമെന്ന അഭ്യൂഹങ്ങളുണ്ട്. എന്നാല്‍ ഇത് ധോണിയുടെ അവസാന സീസണായിരിക്കില്ലെന്ന് വിലയിരുത്തി രംഗത്തുവന്നിരിക്കുകതയാണ് ഓസീസ് മുന്‍ താരം ഷെയ്ന്‍ വാട്‌സണ്‍.
ഇത് ധോണിയുടെ അവസാന ഐപിഎല്ലാണെന്ന് കേള്‍ക്കുന്നു. പക്ഷെ ഞാനങ്ങനെ കരുതുന്നില്ല. അടുത്ത മൂന്നോ നാലോ വര്‍ഷക്കാലം കൂടി അദ്ദേഹത്തിന് തുടരാനാവുമെന്നാണ് കരുതുന്നത്. അദ്ദേഹം ഇപ്പോഴും ഫിറ്റാണ്. മികച്ച രീതിയില്‍ ബാറ്റിങ്ങും വിക്കറ്റ് കീപ്പിങ്ങും ചെയ്യുന്നു. അദ്ദേഹത്തിന്റെ കളി പോലെ തന്നെ മികച്ചതാണ് ക്യാപ്റ്റന്‍സിയും- വാട്‌സണ്‍ പറഞ്ഞു.
ധോണിയുടെ ഫോം ശക്തമാണെങ്കില്‍ ഐപിഎല്‍ 2024 ലും താരം കളിച്ചേക്കുമെന്ന് അവകാശപ്പെട്ട് സുരേഷ് റെയ്നയും അടുത്തിടെ രംഗത്തുവന്നിരുന്നു. ഐപിഎല്‍ 2023 ലെ ഫോമിലും ഫിറ്റ്‌നസിലുമായിരിക്കും ധോണിയുടെ വരും സീസണ്‍ നിശ്ചയിക്കപ്പെടുക എന്നും റെയ്‌ന വിലയിരുത്തി.
വിരമിക്കലിനോട് ധോണി ഇത് വരെ ഒന്നും വ്യക്തമായി പ്രതികരിച്ചിട്ടില്ല. ധോണി എപ്പോഴാണ് വിരമിക്കേണ്ടത് എന്ന് തീരുമാനിക്കേണ്ടത് അദ്ദേഹമാണെന്ന് ചെന്നൈയില്‍ താരത്തിന്റെ സഹതാരമായ ദീപക് ചഹാര്‍ കഴിഞ്ഞ ദിവസം പ്രതികരിച്ചിരുന്നു.
