അടിസ്ഥാന വിലയ്ക്ക് അയാളെ സ്വന്തമാക്കുമ്പോള്‍ ലഖ്‌നൗ പോലും വിചാരിച്ചു കാണില്ല ഇങ്ങനൊരു ട്വിസ്റ്റ്!

പത്തും പതിനാറും കോടികള്‍ മുടക്കി വാങ്ങിയ താരങ്ങള്‍ പലരും ലഭിച്ച തുകയുടെ മൂല്യം കളിക്കളത്തില്‍ കാണിക്കാതെ ഇരിക്കുമ്പോഴാണ് കരീബിയന്‍ താരം കൈല്‍ മേയേഴ്‌സ് എന്ന വമ്പനടിക്കാരന്‍ ഐപിഎല്‍ 2023 ല്‍ ശ്രദ്ധേയനാകുന്നത്.

വിന്‍ഡിസിന് വേണ്ടി അരങ്ങേറ്റ ടെസ്റ്റില്‍ രണ്ടാം ഇന്നിങ്‌സില്‍ ഡബിള്‍ സെഞ്ച്വറി നേടി റെക്കോര്‍ഡിട്ട മേയേഴ്‌സ് ഒരിക്കലും ഒരു 20-20 ഫോര്‍മാറ്റിന് പറ്റിയ താരം എന്ന് ആരും ചിന്തിച്ചില്ല. മാത്രമല്ല, സ്ഥിരതയില്ലാത്ത പ്രകടനം എന്നൊരു പേരുദോഷവും കൂടി പിന്നീട് എപ്പോഴോ ചാര്‍ത്തിക്കിട്ടി.

എന്നാല്‍, ബേസ് പ്രൈസായ വെറും 50 ലക്ഷത്തിന് LSG തന്നെ സ്വന്തമാക്കുമ്പോള്‍ സ്വപ്നത്തില്‍ പോലും ചിന്തിച്ചു കാണില്ല ഏത് ടീമിനും വെല്ലുവിളിയായി മാറാന്‍ സാധ്യതയുള്ള തുടര്‍മാനം 50’s അടിച്ചുകൂട്ടുന്ന ഒരു അരങ്ങേറ്റക്കാരന്‍ ആകുമെന്ന്. ഇപ്പോള്‍, IPL ചരിത്രത്തില്‍ തന്നെ ആദ്യമായി ഒരു അരങ്ങേറ്റക്കാരന്‍ തുടര്‍ച്ചയായി രണ്ട് അര്‍ദ്ധസെഞ്ച്വറികള്‍ അടിച്ച് റെക്കോര്‍ഡ് ഇട്ടു. അതും അതികായന്മാരായ ഡല്‍ഹിക്കും ചെന്നൈക്കുമെതിരെ.

ഇനിയുള്ള കളികളില്‍ നിറം മങ്ങാതിരുന്നാല്‍ ഒരുപക്ഷെ ഈ വര്‍ഷത്തെ IPL എമെര്‍ജിങ് പ്ലെയര്‍ അവാര്‍ഡ് പോലും സ്വന്തമാക്കാന്‍ Kyle Mayors നെ കൊണ്ട് കഴിയില്ലെന്ന് ആര് കണ്ടു.. Just remember the name ‘Kyle Mayors’..

എഴുത്ത്: റോജി ഇലന്തൂര്‍

കടപ്പാട്: മലയാളി ക്രിക്കറ്റ് സോണ്‍