ഐപിഎല്ലില് (IPL) ചെന്നൈ സൂപ്പര് കിംഗ്സിനോടേറ്റ പരാജയത്തില് പ്രതികരണവുമായി ഡല്ഹി നായകന് റിഷഭ് പന്ത് (Rishabh Pant). വളരെ നിരാശപ്പെടുത്തുന്ന ഫലമാണിതെന്നും ഇപ്പോഴത്തെ തങ്ങളുടെ അവസ്ഥ വാക്കുകള് കൊണ്ട് വിവരിക്കാന് കഴിയുന്നതിലുമപ്പുറമാണെന്നും റിഷഭ് പറഞ്ഞു.
‘തീര്ച്ചയായും ഞങ്ങളെ സംബന്ധിച്ച് നിരാശപ്പെടുത്തുന്ന ഫലമാണിത്. ഇപ്പോഴത്തെ ഞങ്ങളുടെ അവസ്ഥ വിവരിക്കാന് വാക്കുകളില്ല. ആകെ ചെയ്യാനുള്ള കാര്യം ഈ മത്സരത്തിലെ പിഴവുകള് തിരുത്തി അടുത്ത മത്സരത്തിനായി ഒരുങ്ങുകയാണ്. മത്സരത്തിലുടീളം ടോം കറന് വളരെ മികച്ച രീതിയിലാണ് പന്തെറിഞ്ഞത്. പക്ഷേ, അവസാന ഓവറില് അദ്ദേഹം റണ്സ് വഴങ്ങി’.
‘ഇന്നത്തെ ദിവസം ഏറ്റവും മികച്ച പ്രകടനം കാഴ്ചവെച്ച ബോളറെ അവസാന ഓവര് ഏല്പ്പിക്കുന്നതാണ് കൂടുതല് ഉചിതമെന്നാണ് ഞാന് ചിന്തിച്ചത്. ഞങ്ങള് മികച്ച സ്കോര് തന്നെ നേടിയെന്നാണ് ഞാന് കരുതുന്നത്. പക്ഷേ, പവര്പ്ലേയില് ചെന്നൈ മികച്ച ബാറ്റിംഗാണ് പുറത്തെടുത്തത്. ഞങ്ങള്ക്കാണെങ്കില് കൃത്യസമയത്ത് വിക്കറ്റ് നേടാന് കഴിഞ്ഞതുമില്ല. അതാണ് മത്സരഫലത്തില് നിര്ണായകമായത്’ പന്ത് പറഞ്ഞു.
ഐപിഎല്ലിലെ ആവേശകരമായ ഒന്നാം ക്വാളിഫയറില് ഡല്ഹി ക്യാപ്പിറ്റല്സിനെ നാല് വിക്കറ്റിന് തോല്പ്പിച്ചാണ് ചെന്നൈ സൂപ്പര് കിംഗ്സ് ഫൈനലില് കടന്നത് (CSK vs DC). ടോം കറന് എറിഞ്ഞ 20-ാം ഓവറിലെ നാലാം പന്ത് അതിര്ത്തി കടത്തി ക്യാപ്റ്റന് എം.എസ്. ധോണിയാണ് ഒരിക്കല് കൂടി ചെന്നൈയെ ഐപിഎല് കലാശക്കളത്തില് എത്തിച്ചത്. ആറ് പന്തില് മൂന്ന് ഫോറും ഒരു സിക്സും സഹിതം 18 റണ്സുമായി പുറത്താകാതെ നിന്ന ധോണി വീണ്ടും സൂപ്പര് കിംഗ്സിന്റെ ഫിനിഷറായി മാറി. സ്കോര്: ഡല്ഹി-172/5 (20 ഓവര്). ചെന്നൈ-173/6 (19.4).