ഇന്ത്യ-ശ്രീലങ്ക മൂന്നാം ഏകദിനം ഇന്ന് ഉച്ചയ്ക്ക് ഒന്നര മുതല് വിശാഖപട്ടണത്ത നടക്കും്. പരമ്പര നിലനിര്ത്താന് ഇന്ത്യക്ക് കളി ജയിച്ചേ മതിയാകൂ. പരമ്പരയില് ഇരു ടീമുകളും ഓരോ ജയം സ്വന്തമാക്കി ഒപ്പത്തിനൊപ്പമാണ്. ധര്മശാലയിലെ നാണെകെട്ട തോല്വിയുടെ ആഘാതവുമായി മൊഹാലിയിലെ കളിക്കാനിറങ്ങിയ ഇന്ത്യ ആദ്യ കളിയുടെ മുറിവ് തകര്പ്പന് ജയത്തിലൂടെ മറികടന്നു. കടുത്ത ആത്മവിശ്വാസത്തിലാണ് രോഹിത് ശര്മ്മയുടെ ടീം ഇന്ത്യ ഇന്ന കളിക്കാന് ഇറങ്ങുക.
പരുക്കില് നിന്ന് മോചിതനായ ഏഞ്ചലോ മാത്യൂസ് ഇന്ന് കളിക്കാനിറങ്ങുമെന്നത്് ലങ്കയുടെ ആത്മവിശ്വാസം വര്ദ്ധിപ്പിക്കുന്നു. മികച്ച ഫോമിലുള്ള ബാറ്റിംഗ് നിരയാണ് ഇന്ത്യയുടെ കരുത്ത്. പരിശീലനത്തിന് ഇറങ്ങാതിരുന്ന വാഷിംഗ്ടണ് സുന്ദറിന് പകരം കുല്ദീപ് യാദവ് ടീമിലെത്താനിടയുണ്ട്.
ആദ്യ ഏകദിനത്തില് ലങ്ക എഴ് വിക്കറ്റിന്റെ തകര്പ്പന് ജയം സ്വന്തമാക്കിയപ്പോള് രണ്ടാം മത്സരത്തില് ഇന്ത്യ 141 റണ്സിന് ജയിച്ച് പകരം വീട്ടി. നേരത്തെ മൂന്ന് മത്സരങ്ങളുടെ ടെസ്റ്റ് പരമ്പര ഇന്ത്യ 1-0ന് സ്വന്തമാക്കിയിരുന്നു.