ഏകദിന ലോകകപ്പിൽ ഇന്ന് ന്യൂസിലാൻഡിനെ നേരിടാനൊരങ്ങുന്ന ഇന്ത്യൻ ടീമിന് ഒരുപാട് വെല്ലുവിളികൾ മറികടകാനുണ്ട്. ബംഗ്ലാദേശിനെതിരായ മത്സരത്തിൽ പരിക്കേറ്റ ഹാർദ്ദിക് പാണ്ഡ്യയ്ക്ക് പുറമേ മൂന്ന് താരങ്ങൾ കൂടി പരിക്കിന്റെ പിടിയിലാണെന്ന റിപ്പോർട്ടുകളാണ് പുറത്തുവന്നിരിക്കുന്നത്. സൂര്യകുമാർ യാദവ്, രവീന്ദ്ര ജഡേജ, ഇഷാൻ കിഷൻ എന്നിവരാണ് ആ മൂന്ന് താരങ്ങൾ. ഇതിൽ തന്നെ ഇഷാൻ കിഷൻ ഇന്ന് കളത്തിൽ ഇറങ്ങാൻ സാധ്യതകൾ അവളരെ കുറവാണെന്നും പറയപ്പെടുന്നുണ്ട്.
ധർമ്മശാലയിലെ പിച്ച് പേസറുമാരെ അനുകൂലിക്കുന്ന ട്രക്കാണ്. അതിനാൽ തന്നെ മത്സരം കിവി പേസറുമാരും ഇന്ത്യൻ ബാറ്ററുമാരും തമ്മിലുള്ള പോരാട്ടം തന്നെ ആയിരിക്കും. മത്സരത്തിൽ, പരിചിതമായ ഹോം സാഹചര്യത്തിൽ കളിക്കുന്നുണ്ടെങ്കിലും, ഇന്ത്യൻ കളിക്കാർ ഗണ്യമായ സമ്മർദ്ദം നേരിടേണ്ടിവരുമെന്ന് കിവി പേസർ ട്രെന്റ് ബോൾട്ട് പറഞ്ഞിരിക്കുകയാണ്. ടൂർണമെന്റിൽ നിലവിൽ തോൽവി അറിയാത്ത ഇരു ടീമുകളും ഇന്ന് കളത്തിൽ ഇറങ്ങുമ്പോൾ ആവേശകരമായ പോരാട്ടമാണ് പ്രതീക്ഷിക്കുന്നത്.
ധർമ്മശാല ഫാസ്റ്റ് ബൗളറുമാരെ സംബന്ധിച്ച് ഒരു പറുദീസ തന്നെയാണ്.. നിർണായക മത്സരത്തിന് മുമ്പ്, ബോൾട്ട് പറഞ്ഞത് ഇങ്ങനെയാണ് “അവർ ശക്തമായ ടീമാണ്, അവർ എല്ലാ മേഖലയിലും ശക്തരാണ്. മത്സരത്തിൽ ഇന്ത്യ വലിയ സമ്മർദ്ദത്തിൽ ആയിരിക്കുമെന്ന കാര്യത്തിൽ തകർക്കമില്ല.”താരം പറഞ്ഞു.
“അവർ നന്നായി കളിക്കുന്ന ടീമാണെന്നതിനാൽ തന്നെ കനത്ത മത്സരമാണ് പ്രതീക്ഷിക്കുന്നത്. പോസിറ്റീവ് മനോഭാവത്തോടെ മത്സരത്തിൽ ഇറങ്ങുക എന്നതാണ് പ്രധാനം.” ബോൾട്ട് പറഞ്ഞ് അവസാനിപ്പിച്ചു.
ടൂർണമെന്റിൽ ഇരുടീമുകളുടെയും തോൽവിയറിയാത്ത അവസ്ഥ കണക്കിലെടുക്കുമ്പോൾ വരാനിരിക്കുന്ന ഏറ്റുമുട്ടൽ ആവേശകരമായ മത്സരം തന്നെ ആയിരിക്കും .