പരിക്കിന് ശേഷം മടങ്ങിയെത്തിയ കുൽദീപ് യാദവിന് പഴയ ഫയർ ഇല്ല എന്ന് പറഞ്ഞവർ ഏറെ ആയിരുന്നു. താരത്തിന് വിക്കറ്റ് കിട്ടുന്നില്ല, അടി കിട്ടുന്നു എന്നൊക്കെ പരാതി ആയിരുന്നു പലരും പറഞ്ഞിരുന്നത്. വിക്കറ്റ് എടുക്കാൻ തക്ക കഴിവൊക്കെ ഉള്ള ബോളർമാർ പലരും പുറത്തുള്ളപ്പോൾ എന്തിനാണ് കുൽദീപ് ഇനി ടീമിൽ എന്നുചോദിച്ചവർ വരെ ഉണ്ടായിരുന്നു.
എന്തായാലും താൻ എന്താണെന്നും തന്റെ ക്ലാസ് എന്താണെന്നും പല തവണ ലോകത്തിന് മുന്നിൽ കാണിച്ചിട്ടുള്ള കുൽദീപ് ഇന്ത്യ പാകിസ്ഥാനെതിരായ ഏറ്റവും നിർണായക പോരാട്ടത്തിന് ഇറങ്ങിയപ്പോൾ താൻ എന്താണ് തന്റെ റേഞ്ച് എന്താണെന്ന് കൃത്യമായി കാണിക്കുക ആയിരുന്നു.
ടോസ് നഷ്ടപ്പെട്ട് ഫീൽഡിങ്ങിന് ഇറങ്ങിയ ഇന്ത്യ തുടക്കം മുതൽ മത്സരം നിയന്ത്രിച്ചപ്പോൾ അതിൽ കുൽദീപ് നിർണായക പങ്ക് തന്നെയാണ് വഹിച്ചത്. തന്റെ 9 ഓവറിൽ 40 റൺ മാത്രം വഴങ്ങിയ കുൽദീപ് മൂന്ന് വിക്കറ്റുകളും നേടി. “വിക്കറ്റ് എടുക്കണം, റൺസ് വിട്ടുകൊടുക്കാതെ പിശുക്ക് കാണിച്ചാൽ മാത്രം പോരാ ” എന്ന പരാതിയും അതോടെ കുൽദീപ് അങ്ങോട്ട് തീർത്തിരിക്കുകയാണ്.
മത്സരത്തിലേക്ക് വന്നാൽ പാകിസ്ഥാൻ 49 .4 ഓവറിൽ 241 റൺ എടുത്ത് ഇന്നിങ്സ് അവസാനിപ്പിച്ച്. കുൽദീപ് മൂന്നും ഹാർദിക് രണ്ടും ഹർഷിത് ജഡേജ അക്‌സർ എന്നിവർ ഓരോ വിക്കറ്റും വീഴ്ത്തി.