ഇന്ത്യ-ഇംഗ്ലണ്ട് ഒന്നാം ടെസ്റ്റില്‍ യശസ്വി ജയ്സ്വാളിനും കെ എല്‍ രാഹുലിനും സെഞ്ച്വറി നേടാനാകാത്തത് എന്തുകൊണ്ടാണെന്ന് പറഞ്ഞ് ഇന്ത്യന്‍ മുന്‍ താരവും കമന്റേറ്ററുമായ സഞ്ജയ് മഞ്ജരേക്കര്‍. ഹൈദരാബാദില്‍ ഇരുവരും ‘ഓവര്‍ അറ്റാക്കിംഗ് ഗെയിം’ കളിച്ചു എന്നും എന്നിരുന്നാലും, ഒരു സെഞ്ച്വറി പ്രധാനമല്ലെന്നും അദ്ദേഹം പറഞ്ഞു.
യശസ്വി ജയ്സ്വാളിന്റെയും കെഎല്‍ രാഹുലിന്റെയും ഓവര്‍ അറ്റാക്കിംഗ് ഗെയിം അവരുടെ സെഞ്ച്വറികളില്‍ നിന്ന് അവരെ തടഞ്ഞുവെന്ന് ഞാന്‍ കരുതുന്നു, പക്ഷേ സെഞ്ച്വറി പ്രധാനമാണെന്ന് ഞാന്‍ കരുതുന്നില്ല. രവീന്ദ്ര ജഡേജയുടെ ഇന്നിംഗ്സ് ഇംഗ്ലണ്ടിന് ഇന്നിംഗ്സ് തോല്‍വി ഉറപ്പാക്കിയതായി തോന്നുന്നു- മഞ്ജരേക്കര്‍ പറഞ്ഞു.
മത്സരത്തില്‍ യശസ്വി ജയ്സ്വാളും കെഎല്‍ രാഹുലും യഥാക്രമം 80, 86 റണ്‍സ് നേടി. എന്നാല്‍, സെഞ്ച്വറി തികയും മുമ്പ് ഇരുവരും പുറത്തായി. ടോം ഹാര്‍ട്ട്ലി കെ എല്‍ രാഹുലിനെ പുറത്താക്കിയപ്പോള്‍ ഓഫ് സ്പിന്നര്‍ ജോ റൂട്ട് ജയ്സ്വാളിന്റെ വിക്കറ്റ് നേടി.
108 സ്‌ട്രൈക്ക് റേറ്റില്‍ ജയ്സ്വാള്‍ ഒരു സ്ഫോടനാത്മക പ്രകടനം നടത്തി 10 ബൗണ്ടറികളും 3 സിക്സറുകളും അടിച്ചു. മറുവശത്ത്, കെഎല്‍ രാഹുല്‍ തന്റെ 86 റണ്‍സില്‍ 8 ബൗണ്ടറികളും 2 സിക്‌സും പായിച്ചു. ജയ്സ്വാള്‍ 74 പന്തില്‍ 80 റണ്‍സെടുത്തപ്പോള്‍ രാഹുല്‍ 123 പന്തുകള്‍ നേരിട്ടു.