IND vs ENG: ബോളിംഗില്‍ തകര്‍പ്പന്‍ മാറ്റം വരുത്തി ആന്‍ഡേഴ്‌സണ്‍, ഇന്ത്യയ്ക്ക് അപായ മുന്നറിയിപ്പ്

ഇംഗ്ലണ്ട് പേസര്‍ ജെയിംസ് ആന്‍ഡേഴ്‌സണ്‍ ക്രിക്കറ്റ് ലോകത്തിനും ഇംഗ്ലണ്ട് ക്രിക്കറ്റിനും വേണ്ടി ചെയ്തതിന് ആമുഖം ആവശ്യമില്ല. ഏറ്റവും കൂടുതല്‍ ടെസ്റ്റ് വിക്കറ്റുകള്‍ വീഴ്ത്തിയ ബോളര്‍മാരുടെ പട്ടികയിലെ ആദ്യ മൂന്ന് ബൗളര്‍മാരില്‍ ഒരാളായ ആന്‍ഡേഴ്‌സണ്‍ 183 ടെസ്റ്റ് മത്സരങ്ങളില്‍ നിന്ന് 690 വിക്കറ്റുകള്‍ നേടിയിട്ടുണ്ട്. 700 ക്ലബ്ബില്‍ ചേരാന്‍ 10 വിക്കറ്റുകള്‍ മാത്രം അകലെയാണ് ആന്‍ഡേഴ്‌സണ്‍. ഓസ്ട്രേലിയന്‍ ഇതിഹാസം ഷെയ്ന്‍ വോണിന്റെ റെക്കോര്‍ഡ് സമനിലയിലാക്കാന്‍ അദ്ദേഹത്തിന് 18 വിക്കറ്റ് മാത്രം മതി.

ജെയിംസ് ആന്‍ഡേഴ്‌സണ്‍ ടെസ്റ്റ് ക്രിക്കറ്റില്‍ മാത്രമാണ് കളിക്കുന്നത്. ഓസ്ട്രേലിയയ്ക്കെതിരായ അവസാന ടെസ്റ്റ് പരമ്പരയില്‍ ആന്‍ഡേഴ്സണ്‍ നിറം മങ്ങിയതായി കാണപ്പെട്ടു. 4 മത്സരങ്ങളില്‍ നിന്ന് 85.40 എന്ന ദയനീയ ശരാശരിയില്‍ 5 വിക്കറ്റ് മാത്രമാണ് ആന്‍ഡേഴ്‌സണ്‍ നേടിയത്. ഇനി ഇന്ത്യയ്‌ക്കെതിരായ ടെസ്റ്റ് പരമ്പരയാണ് വരാനിരിക്കുന്നത്.

ജെയിംസ് ആന്‍ഡേഴ്‌സണിന് ഇന്ത്യന്‍ പര്യടനത്തിനായി തയ്യാറെടുക്കാന്‍ ധാരാളം സമയം ഉണ്ടായിരുന്നു. ഈ കാലയളവില്‍, ആന്‍ഡേഴ്‌സണ്‍ തന്റെ റണ്‍-അപ്പിനായി പ്രവര്‍ത്തിക്കുകയായിരുന്നു. ദി ടെലിഗ്രാഫിനോട് സംസാരിക്കുമ്പോള്‍, തന്റെ റണ്‍അപ്പാണ് പ്രധാനകാര്യമെന്ന് ആന്‍ഡേഴ്‌സണ്‍ പറഞ്ഞു. 2023 ലെ ആഷസില്‍ തന്റെ റണ്‍-അപ്പ് വേഗത ശരിയായിരുന്നില്ലെന്നും ഫീല്‍ഡിന് പുറത്തായിരുന്ന കാലയളവില്‍ താന്‍ വളരെയധികം പരിശീലനത്തിലായിരുന്നുവെന്നും ആന്‍ഡേഴ്‌സണ്‍ കൂട്ടിച്ചേര്‍ത്തു.

ആഷസിലെ എന്റെ പ്രകടനത്തിലേക്കാണ് ഞാന്‍ ഉറ്റുനോക്കിയത്. ഞാന്‍ മോശമായാണ് പന്തെറിഞ്ഞതെന്ന് കരുതുന്നില്ല. എന്നാല്‍ ആര്‍ക്കും വലിയ ഭീഷണിയാകുന്ന ബോളിംഗ് കാഴ്ചവെച്ചതായും കരുതുന്നില്ല. പന്തിന് വലിയ സ്വിംഗ് ലഭിച്ചിരുന്നില്ല. എന്റെ ശൈലിക്ക് അനുയോജ്യമായ പിച്ചായിരുന്നില്ല അത്. എന്നാല്‍ ഇത്തരം പിച്ചുകളില്‍ പന്തെറിഞ്ഞ് വിക്കറ്റ് നേടാന്‍ ആഗ്രഹിക്കുന്ന ബോളറാണ് ഞാന്‍.

ഇന്ത്യയിലും പേസര്‍മാര്‍ക്ക് അത്ര എളുപ്പമല്ല. എന്നാല്‍ അവിടെ എനിക്ക് മികച്ച പ്രകടനങ്ങള്‍ കാഴ്ചവെക്കാനായിട്ടുണ്ട്. അതുകൊണ്ടുതന്നെ എല്ലാ സാഹചര്യങ്ങളോടും പൊരുത്തപ്പെട്ട് കളിക്കാനാണ് ശ്രമിക്കുന്നത്. എന്റെ റണ്ണപ്പാണ് പ്രധാന കാര്യം. അതിനെ മെച്ചപ്പെടുത്താനുള്ള ശ്രമമാണ് ഇപ്പോള്‍ നടത്തിയിരിക്കുന്നത്.

എന്നാല്‍ എന്റെ റണ്ണപ്പിന്റെ സ്പീഡ് ഉയര്‍ത്തുകയല്ല ചെയ്തിരിക്കുന്നത്. ഇപ്പോള്‍ വരുത്തിയിരിക്കുന്ന മാറ്റം എനിക്ക് മികച്ച ഫലം നല്‍കുകയും ആത്മവിശ്വാസം ഉയര്‍ത്തുകയും ചെയ്യുന്നു- ആന്‍ഡേഴ്സന്‍ പറഞ്ഞു.

Latest Stories

രണ്ടാഴ്ച കൊണ്ട് 10 കിലോ കുറച്ചു; ചിത്രങ്ങൾ പങ്കുവെച്ച് പാർവതി

നാഗവല്ലിയും ചന്തുവും നീലകണ്ഠനുമെല്ലാം വീണ്ടും വരുന്നു; റീ റിലീസിനൊരുങ്ങി 10 മലയാള സിനിമകള്‍

നമ്പി രാജേഷിന്റെ മൃതദേഹവുമായി എയര്‍ ഇന്ത്യ ഓഫീസിന് മുന്നില്‍ പ്രതിഷേധിച്ച് ബന്ധുക്കള്‍

നിന്റെ സഹായമില്ലാതെ ഡൽഹി മത്സരങ്ങൾ ജയിച്ചിട്ടുണ്ട്, അതുകൊണ്ട് അത്ര അഹങ്കാരം വേണ്ട; ഇന്ത്യൻ താരത്തോട് പരിശീലകൻ

കേരള ലോട്ടറിയുടെ വില്‍പ്പന ഇടിക്കുന്നു; ഭാഗ്യാന്വേഷികള്‍ ബോചെ ടീക്കൊപ്പം; ഖജനാവിന് പ്രതിദിനം കോടികളുടെ നഷ്ടം; ബോബി ചെമ്മണ്ണൂരിനെതിരെ കേസെടുത്ത് സര്‍ക്കാര്‍

ബുംറയും കമ്മിൻസും സ്റ്റാർക്കും ഒന്നും അല്ല, ആ താരത്തെ എനിക്ക് ശരിക്കും പേടിയാണ്, അവന്റെ ബോളിങ് ഓരോ തവണയും ഞെട്ടിക്കുന്നു; രോഹിത് ശർമ്മ പറയുന്നത് ഇങ്ങനെ

'ജനാധിപത്യം കൊലചെയ്യപ്പെട്ടു'; വാരാണസിയിൽ മോദിക്കെതിരെയുള്ള ഹാസ്യതാരം ശ്യാം രംഗീലയുടെ നാമനിർദ്ദേശ പത്രിക തള്ളി തിരഞ്ഞെടുപ്പ് കമ്മീഷൻ

ആരൊക്കെ വന്നാലും പോയാലും ഇന്ത്യൻ പ്രീമിയർ ലീഗിൽ അവൻ ഉണ്ടാക്കിയ ഓളത്തിന്റെ പകുതി വരില്ല, ലീഗ് ചരിത്രത്തിലെ ഏറ്റവും മികച്ച താരം അദ്ദേഹം: മുഹമ്മദ് കൈഫ്

IPL 2024: ക്രിക്കറ്റ് ലോകത്തിന് വമ്പൻ ഞെട്ടൽ, വിരമിക്കൽ സംബന്ധിച്ച് അതിനിർണായക അപ്ഡേറ്റ് നൽകി വിരാട് കോഹ്‌ലി; വീഡിയോ ഏറ്റെടുത്ത് ആരാധകർ

'ജുഡീഷ്യറിയോടുള്ള അവഹേളനം'; കോടതിയുടെ പരിഗണനയിലിരിക്കെ സിഎഎ നടപ്പാക്കിയത് സുപ്രീംകോടതിയിൽ ഉന്നയിക്കാൻ ഹർജിക്കാർ