ഇന്ത്യന്‍ സൂപ്പര്‍ താരം അജിങ്ക്യ രഹാനെയുടെ ഫോമിനെക്കുറിച്ച് പ്രതികരിച്ച് ടീമിന്റെ ബാറ്റിംഗ് പരിശീലകന്‍ വിക്രം റാത്തോര്‍. ക്രിക്കറ്റ് നമ്മള്‍ ദീര്‍ഘനാള്‍ കളിക്കുമ്പോള്‍ റണ്‍സ് കണ്ടെത്താനാവാത്ത ഒരു സമയം എല്ലാവര്‍ക്കുമുണ്ടാവുമെന്നും അതറിഞ്ഞ് അവര്‍ക്ക് ആവശ്യമായ പിന്തുണ നല്‍കുകയാണ് വേണ്ടതെന്നും റാത്തോര്‍ പറഞ്ഞു.
‘രഹാനെയുടെ ഫോം ഈ സാഹചര്യത്തില്‍ വലിയ പ്രശ്നമാക്കുന്നില്ല. ഞാനിത് നേരത്തെ പറഞ്ഞിട്ടുള്ള കാര്യമാണ്. ക്രിക്കറ്റ് നമ്മള്‍ ദീര്‍ഘനാള്‍ കളിക്കുമ്പോള്‍ റണ്‍സ് കണ്ടെത്താനാവാത്ത ഒരു സമയം എല്ലാവര്‍ക്കുമുണ്ടാവും. ആ സമയത്താണ് ടീം ഒത്തൊരുമിച്ച് നിന്ന് അവനെ തിരിച്ചുവരാന്‍ പ്രോത്സാഹിപ്പിക്കേണ്ടതും പിന്തുണക്കേണ്ടതും.’
‘പുജാരയേയും നമ്മള്‍ കണ്ടതാണ്. അവന് കൂടുതല്‍ അവസരം ലഭിച്ചതോടെ തിരിച്ചുവരാന്‍ സാധിച്ചു. മികച്ച ഇന്നിംഗ്സുകള്‍ കാഴ്ചവെക്കാന്‍ പുജാരക്കായി. രഹാനെയും ഫോമിലേക്കെത്തുമെന്ന് തന്നെയാണ് ഞങ്ങളുടെ പ്രതീക്ഷ. ഇപ്പോഴും ഇന്ത്യയുടെ ബാറ്റിങ് നിരയില്‍ നിര്‍ണ്ണായക സ്ഥാനമുള്ള താരമാണവന്‍’ വിക്രം റാത്തോര്‍ പറഞ്ഞു.
