നിലവിലെ ഏറ്റവും മികച്ച ടെസ്റ്റ് ബോളര്മാരിലൊരാള് ആര്.അശ്വിനാണെന്ന് ഓസ്ട്രേലിയന് മുന് താരം ഇയാന് ചാപ്പല്. അശ്വിനെ എക്കാലത്തെയും മികച്ചവനെന്ന് വിളിക്കാനാവില്ലെന്ന സഞ്ജയ് മഞ്ജരേക്കറുടെ അഭിപ്രായപ്പെട്ടതിനോട് പ്രതികരിക്കുകയായിരുന്നു അദ്ദേഹം.
“എനിക്ക് സഞ്ജയുടെ അഭിപ്രായത്തിനെതിരേ ഒന്ന് രണ്ട് പോയിന്റുകള് പറയാനുണ്ട്. നിങ്ങള് ജോയല് ഗാര്നറിനെ നോക്കുക. എത്ര അഞ്ച് വിക്കറ്റ് പ്രകടനം ജോയലിന്റെ പേരിലുണ്ട്. അധിമമൊന്നും ഇല്ല. എന്നാല് അവന് എത്രത്തോളം മികവുള്ളവനാണെന്ന് അവന്റെ റെക്കോഡുകള് നോക്കുക.”
“അശ്വിന് ഓസ്ട്രേലിയയുടെ നഥാന് ലിയോണിനെക്കാളും മികച്ചവനാണ്. ഇരുവരുടെയും കണക്കുകള് നോക്കിയാല് അത് വ്യക്തമാകും. ഇന്ത്യയുടെ ബോളിംഗ് ആക്രമണം വളരെ മികച്ചതാണെന്നാണ് കരുതുന്നത്. ഇംഗ്ലണ്ട് താരങ്ങള് അശ്വിനെയും അക്ഷറിനെയും വളരെ കരുതലോടെ മാത്രമെ നേരിടൂ” ഇയാന് ചാപ്പല് പറഞ്ഞു.
ഇംഗ്ലണ്ട് പര്യടനത്തിലുള്ള ഇന്ത്യയ്ക്ക് അശ്വനില് വലിയ പ്രതീക്ഷയാണ് ഉള്ളത്. ഓസീസ് പര്യടനത്തിലും തുടര്ന്നുള്ള ഇംഗ്ലണ്ടിനെതിരായ ടെസ്റ്റ് പരമ്പരയിലും മികച്ച പ്രകടനമാണ് അശ്വിന് കാഴ്ചവെച്ചത്.