ചെന്നൈ സൂപ്പര് കിംഗ്സ് കടലാസില് അത്ര ശക്തരല്ലെങ്കില് തന്നെയും എംഎസ് ധോണിയുടെ നായകത്വത്തിന് കീഴില് വിജയിക്കാനുള്ള അവസരമുണ്ടെന്ന് മൊയിന് അലി. ധോണിക്ക് കീഴില് വളരെ ദുര്ബലമായ സ്ക്വാഡ് ആയാല് വരെ വിജയ സാധ്യതയുണ്ടെന്ന് മൊയിന് അലി പറഞ്ഞു.
ധോണി ഒരു സ്പെഷ്യല് കളിക്കാരനും സ്പെഷ്യല് ക്യാപ്റ്റനുമാണെന്ന് എല്ലാവര്ക്കും അറിയാം. അവന് വളരെ നല്ല വ്യക്തിയാണ്. ഞാന് മൂന്ന് സീസണുകള് കളിച്ചിട്ടുണ്ട്, പക്ഷേ അവന് എന്ത് സ്ട്രാറ്റചി ആണ് കൊണ്ടുവരിക എന്ന് എനിക്കറിയില്ല.
‘ധോണി ക്യാപ്റ്റനായി നിങ്ങള് സിഎസ്കെയില് കളിക്കുമ്പോള്, ടീം ദുര്ബലമായാലും ശക്തമാണെങ്കിലും, നിങ്ങള്ക്ക് എല്ലായ്പ്പോഴും വിജയിക്കാനുള്ള അവസരമുണ്ട്- മൊയിന് അലി കൂട്ടിച്ചേര്ത്തു.
ധോണിയുടെ ക്യാപ്റ്റന്സിയില് രണ്ട് തവണ സിഎസ്കെയ്ക്കൊപ്പം ഐപിഎല് കിരീടം ചൂടാന് മൊയിന് അലിക്കായിട്ടുണ്ട്. ഇപ്പോള് സിഎസ്കെയ്ക്കൊപ്പം തന്റെ നാലാം സീസണിനായി തയ്യാറെടുക്കുകയാണ് താരം.