സഞ്ജു സാംസൺ- ഈ മത്സരത്തിലേക്ക് ഇറങ്ങും മുമ്പ് താരം കടന്നുപോയ അവസ്ഥ പലർക്കും ചിന്തിക്കാൻ പോലും പറ്റാത്ത രീതിയിൽ ഉള്ളവ ആയിരുന്നു. തുടർച്ചയായ രണ്ട് മത്സരങ്ങളിൽ സെഞ്ച്വറി നേടി ഏവരുടെയും പ്രശംസ നേടി നിൽക്കുന്നു, ശേഷം അന്ന് പുകഴ്ത്തിയവർ തന്നെ താഴെ ഇടുന്ന രീതിയിൽ തുടർച്ചയായ രണ്ട് മത്സരങ്ങളിൽ പൂജ്യനായി മടങ്ങുന്നു. പൂജ്യനായി മടങ്ങുന്നത് ഒകെ സാധാരണ സംഭവിക്കുന്ന കാര്യം ആണെങ്കിലും ആ ട്രോളുകൾ നിലനിൽക്കുമ്പോൾ തന്നെ തന്റെ സഹതാരങ്ങളെക്കുറിച്ച് പിതാവ് പറഞ്ഞ ആരോപണങ്ങളുടെ പേരിലും വിമർശനം കേൾക്കേണ്ടി വരുന്നു. അങ്ങനെ പരമ്പരയിലെ നാലാമത്തെയും അവസാനത്തെയും മത്സരത്തിൽ ഇറങ്ങുമ്പോൾ സഞ്ജു വലിയ സമ്മർദ്ദത്തിൽ ആയിരുന്നു.
എന്നാൽ മുൻ ഇന്ത്യൻ നായകൻ എം എസ് ധോണിയുടെ കൂൾ രീതികൾ ഉണ്ടെന്ന് പലരും താരതമ്യപ്പെടുത്തിയ സഞ്ജു ഒരു സമ്മർദ്ദവും കാണിക്കാതെ തന്നെ ഇന്നും കളത്തിൽ ഇറങ്ങി. തുടക്കത്തിൽ ഒരൽപ്പം കരുതി കളിച്ച താരം പിന്നെ ഗിയർ മാറ്റിയപ്പോൾ ആദ്യ മത്സരത്തിൽ നിർത്തിയ സ്ഥലത്ത് നിന്ന് തുടങ്ങുന്ന സാംസനെയാണ് കാണാൻ സാധിച്ചത്. സെറ്റ് ആയി കഴിഞ്ഞാൽ ക്രീസിന്റെ നാല് പാടും ബോളർമാർക്ക് തലവേദന സൃഷ്ടിച്ച് ബാറ്റ് ചെയ്യുന്ന സഞ്ജു ഇന്നും അത് തന്നെ തുടർന്നു. സൗത്താഫ്രിക്കയുടെ എല്ലാ ബോളര്മാര്ക്കും വയർ നിറയെ കൊടുത്ത സഞ്ജു 56 പന്തിൽ 109 റൺ നേടി പുറത്താകാതെ നിൽക്കുക ആയിരുന്നു.
എന്തായാലും സഞ്ജുവിന്റെ മികച്ച പ്രകടനത്തിന് പിന്നാലെ താരത്തെ പ്രശംസിച്ച് വന്നിരിക്കുകയാണ് മുൻ ദക്ഷിണാഫ്രിക്കൻ താരം ഷോൺ പൊള്ളോക്ക്. “സഞ്ജു സാംസണിന് കഴിഞ്ഞ 5 ടി20യിൽ 3 സെഞ്ച്വറികളുണ്ട്. 76 ടി20യിൽ ഋഷഭ് പന്തിന് സെഞ്ചുറികളില്ല. സഞ്ജുവിനെ മറികടന്ന് സെലക്ടർമാർ പന്തിനെ പിന്തുണച്ചതെങ്ങനെയെന്ന് ഞാൻ അത്ഭുതപ്പെടുന്നു. കളി കാണുന്ന ആർക്കും സഞ്ജു പന്തിൻ്റെ ഇരട്ടി മികാസിഗ് കളിക്കാരനാണെന്ന് പറയാൻ കഴിയും.” മുൻ താരം പറഞ്ഞു.
എന്തായാലും ഈ മനോഹര ഇന്നിങ്സിൽ സഞ്ജു കുറിച്ച ചില നേട്ടങ്ങൾ നോക്കാം
*ടി20 ചരിത്രത്തിൽ ഒരു കലണ്ടർ വർഷത്തിൽ 3 സെഞ്ച്വറി തികയ്ക്കുന്ന ആദ്യ ക്രിക്കറ്റ് താരമാണ് സഞ്ജു സാംസൺ
* ടി20യിൽ ഇന്ത്യൻ WK ബാറ്ററുടെ ഏറ്റവും കൂടുതൽ ഫിഫ്റ്റി പ്ലസ് സ്കോറാണ് സഞ്ജു സാംസൺ സ്വന്തമാക്കിയത്.
* ഇന്നത്തെ സെഞ്ചുറി നേട്ടത്തോടെ ടി 20 യിൽ ഏറ്റവും കൂടുതൽ സെഞ്ച്വറി തികക്കുന്ന ഇന്ത്യൻ ബാറ്റർമാരുടെ മൂന്നാം സ്ഥാനത്ത് എത്തി.
* മൂന്ന് ടി 20 സെഞ്ച്വറി നേട്ടവും കുറിക്കുന്ന ആദ്യ വിക്കറ്റ് കീപ്പർ