ക്രിക്കറ്റ് ലോകം കാത്തിരിക്കുന്ന അഫ്ഗാനിസ്ഥാന്‍ ആദ്യ ടെസ്റ്റ് അരങ്ങേറ്റത്തിനുളള വേദിയും തീയ്യതിയും നിശ്ചയിച്ചു. ഇന്ത്യയ്‌ക്കെതിരെ നടക്കുന്ന മത്സരം ഈ വര്‍ഷം ജൂണ്‍ 14ന് ബംഗളൂരുവിലെ ചിന്നസ്വാമി സ്റ്റേഡിയത്തിലാണ് നടക്കുക.
കഴിഞ്ഞ വര്‍ഷമാണ് അയര്‍ലന്‍ഡിനൊപ്പം അഫ്ഗാനിസ്ഥാനും ടെസ്റ്റ് പദവി ലഭിച്ചത്. ഇതോടെ ഐസിസിയുടെ ടെസ്റ്റ് പദവി ലഭിച്ച രാജ്യങ്ങളുടെ എണ്ണം 12 ആയി ഉയര്‍ന്നിരുന്നു.
ഇന്ത്യ-അഫ്ഗാന് ഊഷ്മള നയതന്ത്രബന്ധവും ഇന്ത്യയ്്ക്ക് അഫ്ഗാനിലുളള താല്‍പര്യങ്ങളുമാണ് ആദ്യ പോരാട്ടത്തിന് തന്നെ അഫ്ഗാന് ടീം ഇന്ത്യയെ എഥിരാളികളായി ലഭിച്ചത്. മികച്ച താരങ്ങളുളള അഫ്ഗാനിസ്ഥാന്‍ ഏറ്റവും വേഗത്തില്‍ വളര്‍ന്ന് വരുന്ന ക്രിക്കറ്റ് രാജ്യമായാണ് വിലയിരുത്തുന്നത്.
റാഷ്ദ് ഖാന്‍, ഷെഹ്‌സാദ്, മുഹമ്മദ് നബി എന്നിവരാണ് അഫ്ഗാന്റെ ലോകമറിയുന്ന താരങ്ങള്‍. ഈ വര്‍ഷത്തെ ഇന്ത്യന്‍ പ്രീമിയര്‍ ലീഗ് ലേലത്തിന് 13 അഫ്ഗാന് താരങ്ങളാണ് രജിസ്റ്റര്‍ ചെയ്തിരിക്കുന്നത്. ഇതില്‍ അവരുടെ സ്റ്റാര്‍ സ്പിന്നറായ റാഷിദ് ഖാന്റെ അടിസ്ഥാന വില 2 കോടി രൂപയാണ്.