മഴ ലോകകപ്പ് വിജയപരാജങ്ങളെ എത്രതോളം ബാധിക്കുന്നുണ്ടെന്ന് ഇംഗ്ലണ്ടിന് ഇന്ന് മനസിലായി. എളുപ്പത്തിൽ ജയിക്കാം എന്ന് വിചാരിച്ചിറങ്ങിയ മത്സരത്തിൽ മഴ നിയമപ്രകാരം 5 റൺസിന് അയർലണ്ടിനോട് തോൽവിയേറ്റ് വാങ്ങി ഇംഗ്ലണ്ട്.
ഇതോടെ പോയിന്റ് പട്ടികയിൽ ഓസ്ട്രേലിയ ശ്രീലങ്ക ടീമുകളുടെ മേലുള്ള ആധിപത്യം ഇംഗ്ലണ്ട് കളഞ്ഞുകുളിച്ചു. അയർലൻഡ് ഉയർത്തിയ 158 റൺസ് ലക്‌ഷ്യം പിന്തുടർന്ന ഇംഗ്ലണ്ട് മഴ രസംകൊളിയാകുന്ന സമയത്ത് 5 റൺസിന് പിന്നിലായിരുന്നു. മത്സരം തുടരാൻ പറ്റാത്ത അവസ്ഥ വന്നതോടെ ടീം അർഹിച്ച തോൽവിയേറ്റ് വാങ്ങി.
47 പന്തിൽ അഞ്ച് ഫോറും രണ്ട് സിക്‌സും സഹിതം 62 റൺസെടുത്ത ക്യാപ്റ്റൻ ആൻഡ്രൂ ബൽബിർണിയാണ് മികച്ച പ്രകടനം നടത്തി തിളങ്ങി അയർലൻഡ് വിജയത്തിൽ സഹായിച്ചത്. നായകൻറെ ഒരു സിക്‌സ് ഗാലറിയിൽ കൈയിൽ ഒതുക്കാൻ ശ്രമിച്ച ആരാധകന്റെ ചിത്രമാണ് ഇപ്പോൾ വൈറൽ ആയിരിക്കുന്നത്.
ബോൾ പിടിക്കാനുള് ശ്രമത്തിൽ ആരാധകൻ കസേരയുടെ മോളിലേക്ക് വീണു ബാലൻസ് തെറ്റി നിലത്ത് കിടന്നു. എന്തായാലും ഗുരുതരമായ പരിക്കൊന്നും ആരാധകന് ഏറ്റില്ല. പകരം എഴുനേറ്റിരുന്നിട്ട് തനിക്ക് പറ്റിയ അബദ്ധം ഓർത്ത് ചിരിക്കുകയാണ് ചെയ്തത്.
View this post on Instagram