ചെന്നൈ സൂപ്പർ കിംഗ്‌സ് (സിഎസ്‌കെ) ക്യാപ്റ്റൻ എംഎസ് ധോണി ഇന്ത്യൻ പ്രീമിയർ ലീഗിന്റെ (ഐപിഎൽ) മറ്റൊരു സീസൺ കളിച്ചേക്കുമെന്ന് മുൻ പാകിസ്ഥാൻ ഫാസ്റ്റ് ബൗളർ ഷൊയ്ബ് അക്തർ കരുതുന്നു. അതേസമയം, പ്രവചനാതീതമായ നീക്കങ്ങൾക്ക് പേരുകേട്ട ഇതിഹാസ താരത്തിന്റെ രീതി കണക്കിലെടുത്ത്, അടുത്ത വർഷം മാനേജ്മെന്റിന്റെ ഭാഗമായി എംഎസ്‌ഡി തിരിച്ചെത്തിയാൽ അതിശയിക്കാനില്ലെന്നും അദ്ദേഹം കൂട്ടിച്ചേർത്തു.
ഐപിഎൽ 2022-ൽ രവീന്ദ്ര ജഡേജയിൽ നിന്ന് ധോണി അടുത്തിടെ നായകസ്ഥാനം ഏറ്റെടുത്തിരുന്നു .ഈ സീസണിലെ ചെന്നൈയുടെ പ്രതീക്ഷകൾ അവസാനിച്ച് കഴിഞ്ഞു. എന്തായാലും ജയത്തോടെ തന്നെ സീസൺ അവസാനിപ്പിക്കാനാകും ധോണിയുടെയും കൂട്ടരുടെയും ഇനിയുള്ള ശ്രമം.
“അവൻ എംഎസ് ധോണിയാണ് . അവൻ എന്താണ് ചെയ്യുന്നതെന്ന് ശരിക്കും പ്രവചിക്കാൻ കഴിയില്ല. അയാൾക്ക് എന്ത് വിചിത്രമായ കാര്യങ്ങളും ചെയ്യാൻ കഴിയും. മുമ്പും അയാൾ ചെയ്തിട്ടുണ്ട് . അയാൾ അത്രക്ക് മിടുക്കനാണ് . നാമെല്ലാവരും അവനെ സ്നേഹിക്കുകയും ബഹുമാനിക്കുകയും ചെയ്യുന്നു. എന്നിരുന്നാലും, അടുത്ത സീസൺ കൂടി അവൻ കളിച്ചേക്കും, അല്ലെങ്കിൽ ചെന്നൈ മാനേജ്മെന്റിന്റെ ഭാഗമായേക്കും.”
“ധോനിയെയും കോഹ്‌ലിയെയും പോലെയുള്ള കളിക്കാർക്ക് അപ്പുറത്തേക്ക് ഫ്രാഞ്ചൈസികൾ നോക്കേണ്ടതുണ്ട്. തീർച്ചയായും, രണ്ട് താരങ്ങളുമായി ടീമുകൾക്ക് വൈകാരിക ബന്ധവുമുണ്ട്. എന്നാൽ ഇതൊരു ക്രൂരമായ ലോകമാണ്. ടീമുകൾ മുന്നോട്ട് നോക്കുകയും പുതിയ ഓപ്ഷനുകൾ നോക്കുകയും ചെയ്യണം.”
