രണ്ട് തവണ ഇന്ത്യൻ പ്രീമിയർ ലീഗ് (ഐ‌പി‌എൽ) ചാമ്പ്യൻമാരായ കൊൽക്കത്ത നൈറ്റ് റൈഡേഴ്‌സ് (കെകെആർ) വരാനിരിക്കുന്ന മിനി ലേലത്തിന് മുന്നോടിയായി ആരോൺ ഫിഞ്ചിനെ കൊൽക്കത്ത പുറത്തിറക്കാൻ നോക്കുന്നതായി റിപ്പോർട്ട്. റാവ് സ്പോർട്സ് പറയുന്നത് അനുസരിച്ച് ഫിഞ്ചിനെ ഒഴിവാക്കി അലക്സ് ഹെയ്ൽസിനെ കൊൽക്കത്ത പരിഗണിക്കുന്നതായി പറയുന്നു.
കഴിഞ്ഞ സീസണിൽ വലിയ നേട്ടങ്ങൾ കൊയ്യാതിരുന ടീം ഈ വർഷം അതിന് ഒരു മാറ്റം വരുത്താനാണ് ശ്രമിക്കുന്നത്. ശിവം മാവിക്ക് പകരമായി ലോക്കി ഫെർഗൂസനെ തിരികെ കൊണ്ടുവരാനുള്ള സാധ്യതയും റിപ്പോർട്ടിൽ പറയുന്നുണ്ട്.
ഐ‌പി‌എൽ 2021 ന് ശേഷം ശുഭ്‌മാൻ ഗില്ലിനെ നിലനിർത്തേണ്ടതില്ലെന്ന് തീരുമാനിച്ചതിനാൽ പകരം ഓപ്പണറാക്കാൻ പുതിയ താരത്തെ കണ്ടുപിടിക്കേണ്ടതായി വന്നു. ടൂർണമെന്റിന് ശേഷം നടന്ന മെഗാ ലേലത്തിൽ അവർ ഹെയ്ൽസിനെ ആ സ്ഥാനത്ത് കണ്ടുപിടിച്ചെങ്കിലും ബയോ ബബിൾ സാഹചര്യങ്ങളിൽ കളിക്കാൻ ബുദ്ധിമുട്ട് ഉള്ളതിനാൽ താരം പിന്മാറുക ആയിരുന്നു.
ഓസ്‌ട്രേലിയയുടെ ടി20 ഐ ക്യാപ്റ്റൻ ഫിഞ്ചിനെ 1.5 കോടി രൂപയ്ക്ക് പകരക്കാരനായി കെകെആർ ഒപ്പുവച്ചു. എന്നാൽ ടീമിനായി പ്രതീക്ഷിച്ച സംഭാവനകൾ നൽകാൻ താരത്തിന് സാധിക്കാതെ വന്നതോടെ താരത്തെ ഒഴിവാക്കാൻ തീരുമാനിക്കുക ആയിരുന്നു.
ടി20 ക്രിക്കറ്റിൽ ആഗോള തലത്തിൽ ഒരുപാട് മികച്ച പ്രകടനം നടത്തിയിട്ടുണ്ടെങ്കിലും ഐ.പി.എലിൽ താരത്തിന് തിളങ്ങാൻ സാധിച്ചിട്ടില്ല.ലോകകപ്പിലെ ആ ഫോം താരത്തിന് ഐ,പി.എലിലും നിലനിർത്താൻ സാധിച്ചാൽ കൊൽക്കത്തക്ക് അത് ഗുണം ചെയ്യും.