ഇന്നത്തെ ചെന്നൈ ബാംഗ്ലൂർ പോരാട്ടത്തിന്റെ ആവേശം എക്കാലത്തെയും ഉയർന്ന നിലയിലാണ്. എക്കാലവും ആവേശം വിതറിയ ഈ 2 ടീമുകളുടെ പോരാട്ടം വേറെ ലെവലാക്കിയത് ധോണിയും കോഹ്‌ലിയും തന്നെയാണ്. ലോക ക്രിക്കറ്റിൽ ഏറ്റവും കൂടുതൽ ആരാധകരുള്ള താരങ്ങൾ ഇന്ത്യൻ ടീമിൽ കളിച്ചിരുന്ന കാലത്ത് മഹിരാത് എന്ന പേരിലാണറിയപ്പെട്ടിരുന്നത്. ഇരുവരും പരസ്പരണം നല്ല രീതിയിൽ ബഹുമാനിച്ചാണ് നിൽക്കുന്നത്.
റോയൽ ചലഞ്ചേഴ്സ് ബാംഗ്ലൂർ ചെന്നൈ സൂപ്പർ കിംഗ്സ് മത്സരത്തിനുള്ള ടിക്കറ്റുകൾ നേരത്തെ തന്നെ വീറ്റുതീർന്നു. ലോകമെമ്പാടുമുള്ള ആരാധകർ ഒരുപക്ഷെ ധോണിയെ അവസാനമായി ബാംഗ്ലൂർ സ്റ്റേഡിയത്തിൽ കാണാനുള്ള അവസരമായിട്ടാണ് മത്സരത്തെ കാണുന്നത്. അവസാന സീസൺ എന്ന നിലയിൽ അത്രയും വൈകാരികമായ രീതിയിൽ മത്സരത്തെ കാണുന്ന ആരാധകർ വലിയ ആവേശത്തിലും അതെ സമയം നിരാശയിലയുമാണ്
ഇന്ന് ബെംഗളൂരുവിലെ ആരാധകർക്ക് അവരുടെ മനസ്സിൽ ഒരു കാര്യം മാത്രമേ ഉണ്ടാകൂ, അത് ക്രിക്കറ്റ് ഫീൽഡിലെ ‘മഹിരാത്’ ബ്രൊമാൻസിന്റെ അവസാന ഡാൻസ് കാണാനാണ്. ചിന്നസ്വാമിയിൽ ഇരുതാരങ്ങളും നേരിട്ട് കാണുന്ന നിമിഷവും ധോണിയുടെ ഇഷ്ടഗ്രൗണ്ടിലെ പ്രകടനം എന്തായിരിക്കും എന്നറിയാൻ ആരാധകർ ആവേശത്തോടെ കാത്തിരിക്കുകയാണ്.