ചാമ്പ്യന്സ് ട്രോഫി ഫൈനലില് പാകിസ്ഥാനോട് തോറ്റതിന് ഇന്ത്യന് നായകന് വിരാട് കോഹ്ലിയേയും യുവരാജ് സിംഗിനേയും എം.എസ് ധോണിയേയും രൂക്ഷമായി വിമര്ശിച്ച നടനും നിരൂപകനുമായ കെആര്കെയെ ഓര്മയില്ലേ. ബോളിവുഡ് നടനായ താരം അഭിനയിച്ച സിനിമകളേക്കാള് സൃഷ്ടിച്ച വിവാദങ്ങള് കൊണ്ട് കുപ്രസക്തി നേടിയ ആളാണ്.
ബോളിവുഡ് നടന്മാരും രാഷ്ടിയക്കാരും താരത്തിന്റെ പരിഹാസങ്ങള്ക്ക് ഇരയാകാറുണ്ട്. ഇത്തവണ പരിഹസങ്ങള്ക്ക് ഇരയായിരിക്കുന്നത് ഇന്ത്യന് താരങ്ങളായ കോഹ്ലിയും പന്തുമാണ്. പന്തിനെ കെആര്കെ താരതമ്യം ചെയ്തത് ഇങ്ങനെ ‘അവന് കോഹ്ലിയെ പോലെ നാടകം കളിക്കുന്ന ഒരുത്തനാണ്. അതുകൊണ്ടും താരം നിര്ത്തിയില്ല.’ കോഹ്ലിയെ പോലെ ഇന്ത്യന് പ്രീമിയര് ലീഗ് ജയിക്കാന് പന്തിനും സാധിക്കില്ല എന്നും താരം കുറിച്ചു.
2017 ചാമ്പ്യന്സ് ലീഗ് തോല്വിക്ക് ശേഷം കോഹ്ലിയെ ക്രിക്കറ്റില് നിന്ന് ആജീവനാന്തം വിലക്കണമെന്നും 130 കോടി ജനങ്ങളുടെ അഭിമാനമാണ് കോഹ്ലി അടിയറവെച്ചതെന്നും കെ.ആര്.കെ ട്വിറ്ററില് പറഞ്ഞിരുന്നു. നിങ്ങളെല്ലാം ഒത്തുകളിക്കാരാണെന്നും ജനങ്ങളെ വിഡ്ഢികളാക്കുന്നത് നിര്ത്തണമെന്നും കെആര്കെ പറഞ്ഞത് വിവാദമായിരുന്നു. എന്തായാലും ക്രിക്കറ്റ് പ്രേമികളുടെ ട്രോള് പൊങ്കാല നേടാനുള്ള വഴി ഒരിക്കല് കൂടി കെ.ആര്.കെ ഒരുക്കിവെച്ചിട്ടുണ്ട്..