വെസ്റ്റ് ഇന്ഡീസ് ക്രിക്കറ്റ് താരം ക്രിസ് ഗെയിലിന്റെ കോവിഡ് പരിശോധനാഫലം നെഗറ്റീവ്. ഗെയ്ല് തന്നെയാണ് ഇക്കാര്യം സോഷ്യല് മീഡിയയിലൂടെ അറിയിച്ചത്. കോവിഡ് സ്ഥിരീകരിച്ച ഉസൈന് ബോള്ട്ടിന്റെ സമ്പര്ക്ക പട്ടികയില് ക്രിസ് ഗെയിലും ഉള്പ്പെട്ടിരുന്നു. ഉസൈന് ബോള്ട്ടിന്റെ ജന്മദിനാഘോഷത്തില് ഗെയിലും പങ്കെടുത്തതാണ് ആശങ്ക പരത്തിയത്.
“ഏതാനും ദിവസം മുമ്പ് ആദ്യ ടെസ്റ്റ് നടത്തി. യാത്ര പുറപ്പെടുന്നതിന് മുമ്പ് എനിക്ക് രണ്ട് നെഗറ്റീവ് ടെസ്റ്റുകള് വേണമായിരുന്നു. രണ്ടാമത്തേത് എന്റെ മൂക്കിന് അകത്തേക്ക് വളരെ അധികം പോയി. ഫലം നെഗറ്റീവാണ്.” ഗെയ്ല് ഇന്സ്റ്റഗ്രാം സ്റ്റോറിയില് കുറിച്ചു.
ബോള്ട്ടിന്റെ ജന്മദിനാഘോഷത്തില് മാഞ്ചസ്റ്റര് സിറ്റി താരം റഹീം സ്റ്റെര്ലിംഗ്, ബയേര് ലെവര്ക്കൂസന് താരം ലിയോണ് ബെയിലി തുടങ്ങിയവരും പങ്കെടുത്തിരുന്നു. ഓഗസ്റ്റ് 21-ന് സാമൂഹിക അകലം അടക്കമുള്ള കോവിഡ് മാനദണ്ഡങ്ങളൊന്നും പാലിക്കാതെയാണ് ജന്മദിനാഘോഷം നടന്നത്.
കോവിഡ് പരിശോധനാഫലം നെഗറ്റീവായതോടെ ഗെയ്ല് ഐ.പി.എല്ലില് തന്റെ ടീമായ കിംഗ്സ് ഇലവനൊപ്പം ചേരും. യു.എ.ഇയില് സെപ്റ്റംബര് 19-നാണ് ഐ.പി.എല്ലിന്റെ 13ാം സീസണ് ആരംഭിക്കുന്നത്. 53 ദിവസം നീളുന്ന ടൂര്ണമെന്റിന് ദുബായ്, ഷാര്ജ, അബുദാബി എന്നിവിടങ്ങളിലെ സ്റ്റേഡിയങ്ങളാണ് വേദിയാവുക. നവംബര് 10-നാണ് ഫൈനല്.