ജൂൺ 26 ഞായറാഴ്ച നടക്കുന്ന ടീം ഇന്ത്യയും അയർലൻഡും തമ്മിലുള്ള ആദ്യ ടി20 ഐയുടെ പ്രവചനങ്ങൾ നടത്തിയിരിക്കുകയാണ് ആകാശ് ചോപ്ര. സാധരണ താരം നടത്തുന്ന പ്രവചനങ്ങൾ പലതും പാളിപോകാറുള്ളതിനാൽ തന്നെ ആരാധകരും നോക്കിയിരിക്കുക ആയിരുന്നു പുതിയ എന്ത് പ്രവചനവുമായിട്ടാണ് ചോപ്ര വരുന്നത് എന്നുള്ളത്.
മെൻ ഇൻ ബ്ലൂ അയർലൻഡിനെതിരെ രണ്ട് ടി20 മത്സരങ്ങൾ കളിക്കാനിരിക്കുകയാണ്. അഞ്ച് മത്സരങ്ങളുടെ പരമ്പരയിലെ അവസാന ടെസ്റ്റിനായി പ്രമുഖ താരങ്ങൾ എല്ലാം ഇംഗ്ലണ്ടിൽ പോയതിനാൽ, ഹാർദിക് പാണ്ഡ്യയുടെ നേതൃത്വത്തിലുള്ള ഇന്ത്യൻ ടീമിൽ കൂടുതലും പരിമിത ഓവർ സ്പെഷ്യലിസ്റ്റുകൾ ഉൾപ്പെടുന്നു
തന്റെ യൂട്യൂബ് ചാനലിൽ പങ്കിട്ട ഒരു വീഡിയോയിൽ, ചോപ്ര ഭുവനേശ്വർ കുമാറും യുസ്‌വേന്ദ്ര ചാഹലും വിക്കറ്റുകളിൽ ഉൾപ്പെടുമെന്ന് പ്രവചിച്ചു:
“ഭുവിയും ചഹലും ഒന്നിച്ച് മൂന്നിലധികം വിക്കറ്റുകൾ വീഴ്ത്തും. പുതിയ പന്തിൽ ഭുവി ബൗൾ ചെയ്യും, കഴിഞ്ഞ തവണ ചാഹൽ അവരെ തകർത്തു. എല്ലാവര്ക്കും അറിയാവുന്ന മറ്റൊരു കാര്യം കൂടി പറയട്ടെ, ഈ ടീം അത്ര നന്നായി സ്പിൻ കളിക്കുന്നില്ല.”
“പരിക്കിൽ നിന്ന് തിരിച്ചുവന്ന സൂര്യകുമാർ ഈ പരമ്പരയിൽ തിളങ്ങും. ഹാർദിക് പാണ്ഡ്യ 60 റൺസിൽ കൂടുതൽ സ്കോർ ചെയ്യും, അതാണ് എനിക്ക് തോന്നുന്നത്. സൂര്യ ഏത് സ്ഥാനത്ത് ബാറ്റ് ചെയ്യണമെന്നാണ് ചോദ്യം. അവൻ മൂന്നാം നമ്പറിൽ തന്നെ കളിക്കട്ടെ.”
ഈ പ്രാവശ്യം ഒരു പേടിയിയും ഇല്ലാതെ പറയാം ഇന്ത്യ ജയിക്കും.” ചോപ്ര പറഞ്ഞതിന്റെ വിപരീതം സംഭവിക്കുമോ എന്നാണ് ആരാധകരുടെ പേടി.