ടി20 ലോകകപ്പിലെ പരാജയത്തിന് ശേഷം, ഇനി വരാനിരിക്കുന്ന വലിയ പരമ്പരകൾ മുന്നിൽ കണ്ട് കൂടുതൽ മാറ്റങ്ങളോടെ ഇറങ്ങുന്ന ഇന്ത്യ ആദ്യ പടിയായി കിവികളെയാണ് നേരിടാനിറകുന്നത്. കിവിളികൾക്ക് എതിരെയുള്ള ടി20 പരമ്പരയിൽ ഹാർദിക് പാണ്ഡ്യയെ പുതിയ നായകനായി നിശ്ചയിച്ചിരിക്കുന്നു, അതൊരു മാറ്റത്തിന്റെ തുടക്കമാണ്. ഈ മാറ്റത്തിന്റെ കാലത്ത് മലയാളികൾ ആഗ്രഹിക്കുന്നത് സഞ്ജുവിന്റെ കരിയറിലെ ഒരു മുന്നേറ്റം തന്നെയാണ്. സഞ്ജു കിവികൾക്ക് എതിരെയുള്ള ഏകദിന ടെസ്റ്റ് പരമ്പരകളിൽ ഇടം പിടിച്ചിട്ടുള്ള സാഹചര്യത്തിൽ താരം കിട്ടിയ അവസരങ്ങൾ ഉപയോഗിക്കണം എന്നാണ് ബിസിസിഐ ഉദ്യോഗസ്ഥൻ പറയുന്നത്.
“സംശയമില്ല, സഞ്ജു ഒരു മികച്ച പ്രതിഭയാണ്, അവൻ ഞങ്ങളുടെ സ്കീമിലുണ്ട് . അദ്ദേഹവും ഇഷാനും ഋഷഭ് പന്തിനേക്കാൾ കൂടുതൽ റൺസ് നേടിയാൽ, ആർക്കും അവരെ എക്കാലവും ബെഞ്ച് ചെയ്യാൻ കഴിയില്ല. പക്ഷേ അവർ അവസരങ്ങൾ പ്രയോജനപ്പെടുത്തണം, ”സെലക്ഷൻ കമ്മിറ്റി അംഗം Insidesport.INWC യോട് പറഞ്ഞു.
ലോകകപ്പ് ടീമിലിടം നേടാതിരുന്ന സഞ്ജു ന്യൂസിലൻഡിനെതിരായ പരമ്പരയ്ക്കുള്ള ഇന്ത്യൻ ടീമിലേക്ക് സഞ്ജു സാംസൺ തിരിച്ചെത്തും, ബിസിസിഐ ഉദ്യോഗസ്ഥൻ പറഞ്ഞ പോലെ ഇപ്പോൾ ഇല്ലെങ്കിൽ ഒരിക്കലും ഇല്ല എന്ന രീതിയിൽ വേണം സഞ്ജു കളിക്കാൻ. 2022ൽ 158.40 എന്ന സ്ട്രൈക്ക് റേറ്റിൽ അഞ്ച് ഇന്നിംഗ്സുകളിൽ നിന്ന് 179 റൺസാണ് സാംസൺ നേടിയത്. ഏകദിനത്തിൽ, ഈ വർഷം 9 ഇന്നിംഗ്സുകളിൽ നിന്ന് 82.66 എന്ന മികച്ച ശരാശരിയിൽ 248 റൺസ് അദ്ദേഹം നേടിയിട്ടുണ്ട്.
എന്തായാലും ദിനേശ് കാർത്തിക്കും പന്തും കഷ്ടപെടുമ്പോൾ സഞ്ജുവിന് കിട്ടിയിരിക്കുന്നത് ഗോൾഡൻ ചാൻസ് തന്നെയാണ്. അത് നന്നായി ഉപയോഗിച്ചാൽ പിന്നെ തിരിഞ്ഞ് നോക്കേണ്ട